Osy jyly qazan aıynyń 1-2 kúnderi Petropavl qalasyndaǵy Sábıt Muqanov atyndaǵy oblystyq ámbebap kitaphanasynyń májilis zalynda Mádenıet jáne aqparat mınıstrliginiń Din isteri komıtetiniń qoldaýymen «Rýhanı jańǵyrý» qoǵamdyq qorynyń uıymdastyrýymen din máseleri boıynsha bilikti mamandardy daıyndaýǵa baǵyttalǵan is-shara ótti. Sharaǵa «Din zertteý ortalyǵynyń», meshitterdiń, orta jáne joǵary oqý oryndarynyń jáne t.b mamandary, ımamdary, psıhologtary teologtary qatysty.
Jıynda sheshendik óner jáne kommýnıkasııalar boıynsha jattyqtyrýshy jáne sarapshy Tolkyn Amanbek «Oratorskoe masterstvo: kak govorıt ýverenno ı ýbedıtelno» taqyrybynda sóıleý tehnıkasynyń meńgerýdiń tıimdi joldaryn atap ótip, durys dıalog qurýdy, únniń qulaqqa jaǵymdy, sózdiń, býynnyń ashyq, aıqyn bolýyna septigin tıgizetin tásildermen bólisti.
Sonymen qatar psıholog Shakımova Lola Sergeevna «Psıhologııa destrýktıvnyh lıchnosteı, ýıazvımyh k verbovke so storony lıderov DRT» taqyrybymen qatysýshylarǵa jastar arasyndaǵy táýekel toptaryn anyqtaý úshin profaılıng tehnıkasyn, ıaǵnı, qylmys jasaýǵa daıyn turǵan tulǵanyń syrtqy kelbetine, mımıkasyna, júris-turysyna qarap qalaı anyqtaýǵa bolatynyn túsindirdi.
Atalǵan is-sharalar barysynda qatysýshylardyń qoıǵan suraqtaryna dáriskerler tarapynan tushymdy jaýaptar berildi.
