Sýret: kazgazeta.kz
Osy jyly Mádenıet jáne aqparat mınıstrligi men Jazýshylar odaǵy birlesip, «Jańa Qazaqstannyń ádebı-tanymdyq panoramasy» atty joba uıymdastyrdy. Atalǵan biregeı joba – jas aqyn-jazýshylardy qoldaýǵa jáne qalamgerler shyǵarmashylyǵyn damytýǵa baǵyttalǵan irgeli bastama. Jobanyń negizgi maqsaty retinde shyǵarmashyl jastardyń ádebı áleýetin arttyrý, qoǵamdaǵy rólin kúsheıtý, ulttyq ádebıettiń jańa baǵyttaryn qalyptastyrý kózdelgen. Shynynda, biregeı bastama qalam ustaǵan talanttardyń qanatyna dym búrkip, oramdy oılanýǵa, sheberlikke, jazýǵa yntalandyrady. Atap aıtsaq, elimizdiń ár óńirinen 20 jas qalamger iriktelip, baıqaý sharty boıynsha ózine tıesili oblystar men qalalardy aralap, Uly dalanyń qyr-syryn, jumbaǵy men tylsymyn týyndyǵa aınaldyrǵan. Atalǵan baǵdarlama aıasynda áriptesterimiz Jánibek Álımannyń «Altyn tuńǵıyq», Baqytbek Qadyrdyń «Jaılaýkól» kitaby, sonymen birge Saıan Esjannyń «Jaıyq jyrlary», Ǵylymnur Kádirbaıdyń «Taý ishinde», Aıdyn Baıystyń «Altyn qazyq», Birjan Ahmerdiń «Myń boıaýly meken», Esbol Nurahmettiń «Qyzyljar dápteri», Álisher Rahattyń «Kúz. Jel. Bulttar. Ǵajaıyp», Álıhan Jaqsylyqtyń «Eski vokzaldyń jolaýshylary», Qýanysh Jazaıulynyń «Jyr-darııa», Márlen Ǵılymhannyń «Tóbeler stıhııasy» – barlyǵy 20 jas aqyn-jazýshynyń jańa jınaqtary jaryq kórdi.
«Ádebı panorama» – ulttyq ádebıettiń ilgerileýine serpin berip, bolashaqqa qundy mura qaldyrýǵa uıytqy bolatyny talassyz. Irgeli joba eldiń mádenıeti men ádebıetiniń jańa bıikke kóterilýine yqpal eterine senimimiz mol.
