Sýret: Sportty damytý dıreksııasynyń baspasóz qyzmetinen alyndy
Fınaldyq saıysta Dinmuhammedtiń sheberligi joǵary baǵalanyp, 104,52 upaı aldy. Kúmis medaldy qytaılyq Iých Iýnhen enshilese, qola medal da Qytaı eliniń úmitin arqalaǵan Iаn Chjıchenge buıyrdy.
Jerlesimiz irikteý synynda 4-satyǵa turaqtap, fınaldyq kezeńge joldama alǵan bolatyn. Jalpy, frıstaıl-akrobatıkadan jasóspirimder arasynda ótetin álem birinshiliginde buǵan deıin enshimizge altyn medal buıyrmaı kelgen edi.
Qyzdar dodasynda Ardana Mahanova irikteý kezeńinde 7-satyǵa turaqtap, fınaldyq saıysqa óte almady. Almaty tórindegi álem chempıonatyna 16 elden úzdik sportshylar qatysyp jatyr.
Qoıý shańǵa kómildi
Germanııanyń Oberhof qalasynda bıatlonnan álem kýboginiń kezeńi bastaldy. Keshe áıelder arasynda sprınttik doda ótip, Fransııa sportshysy Paýla Bote qara úzip keldi.
Kúmis medal norvegııalyq Maren Krıkeıge buıyrsa, qola medaldy bolgar qyzy Mılena Todorova enshiledi. El senimin aqtaıdy degen sportshylarymyz úzdik ondyqqa da ilige almady. Táýir nátıje kórsetken Polına Egorova 80-satyǵa turaqtasa, Olga Poltoranına 85-oryndy, Galına Vıshnevskaıa-Sheporenko kósh sońynda qalyp, 96-oryndy mise tutty.
