- Erler dodasynda úmit artqan tennısshiler mártebeli alamannyń alǵashqy aınalymynda-aq jeńildi. Aleksandr Shevchenkoǵa jerebe aýyr tıip, álemniń 3-raketkasy, ıspanııalyq Karlos Alkarasqa ese jiberdi. Aleksandr Býblık argentınalyq Fransısko Serýndolodan asa almady. Jigitterdiń juptyq synda da joly bolmady. Ýrýgvaılyq Arıeel Bear men amerıkalyq Robert Galloýeı jubyna ese jiberdi.
- Keshe Germanııanyń Rýpoldıng qalasynda bıatlonnan Álem kýboginiń kezeńi bastaldy. Erler 20 shaqyrym qashyqtyqqa jekeleı synǵa túsedi. Áset Dúısenov, Vladıslav Kıreeev, Aleksandr Mýhın, Ivan Darın dodaǵa qosyldy.
- 17-19 qańtar aralyǵynda Bahreın astanasy Manama qalasynda shpagamen semserlesýden Álem kýboginiń kezeńi ótedi. Qyzdar arasyndaǵy tartysta Aızere Nurqanova, Arına Iаkovleva, Natalıa Zınıakova, Karolına Fomına, Krıstına Krasıkova, Valerııa Mıshenına baq synaıdy. Erler dodasynda Nurjan Ábjanov, Ǵabıden Mustafın, Ýálıhan Narıman, Bogdan Lýkın, Kırıll Prohodov, Georgıı Tınnıkov, Nurmuhammed Baltabaı, Janarbek Januzaqov, Ańsar Qasenge úmit artylady.
