Foto: Ashyq derekkóz
Emshi ózinen kómek surap kelýshilerge nesıe alǵyzyp, ony óziniń shotyna aýdaryp alǵan. Jábirlenýshilerdiń árqaısysy 1 mln-nan 30 mln teńgege deıin aqsha aýdarǵan.
«Tergeý barysynda aqtóbelik emshi naýqas balasyn emdetý, meshit salý, massaj bólmesin ashý úshin halyqty aldap nesıe alǵyzǵany anyqtaldy. Oǵan sengen adamdar óz atyna onlaın nesıe alyp, aqshany onyń shotyna aýdarǵan. Emshi kelýshilerdi nesıeni ózim tóleımin dep sendirip, biraq ýádesinde turmaǵan. Qurbandardyń kópshiligi áıelder. Keltirilgen shyǵyn shamamen 100 mıllıon teńgeni quraıdy», dep habarlady oblystyq polısııanyń baspasóz qyzmeti.
Emshige aldanǵandardyń kópshiligi ózderin gıpnozdyń qurbany boldyq dep oılaıdy. Qazir bul is boıynsha 30-ǵa jýyq jábirlenýshi tirkelgen. Degenmen, olardyń sany áli de artýy múmkin.
Qazirgi tańda kúdikti ýaqytsha qamaýǵa alynǵan.
