Alty tomdyq kitapta memleket qaıratkeri, fılologııa ǵylymdarynyń doktory, professor Myrzataı Joldasbekovtiń 1993-2018 jyldar aralyǵyn qamtıtyn kúndelik jazbalary jınaqtalǵan.
Bul jazbalarda halyqaralyq qatynastyń qalyptasyp, damýy, el múddesine qatysty tarıhı sheshimderdiń qabyldanýy, avtordyń qazaqtyń tarıhyn, mádenıeti men ónerin, ádebıetin, salt-dástúrin, ǵylymy men bilimin damytýǵa qosqan úlesi, eldiń áleýmettik-ekonomıkalyq jaǵdaıy, ishki, syrtqy saıası ahýaly, ultaralyq qatynas máseleleri, sondaı-aq adamgershilik pen ulttyq tárbıe týraly oılary da qamtylǵan.
Kitap tanystyrylymy barysynda Mádenıet jáne aqparat mınıstri Aıda Balaevanyń quttyqtaý haty oqyldy.
Alty tomdyq jınaǵyńyz – táýelsiz elimizdiń tarıhyn tanýǵa, ulttyq qundylyqtarymyzdy baǵalaýǵa jáne rýhanı álemimizdi keńeıtýge qosylǵan súbeli úles. О́tken dáýirdiń mańyzdy oqıǵalary, halqymyzdyń basynan ótken taǵdyrly kezeńderi shynaıy baıandalǵan týyndynyń óskeleń urpaqqa berer taǵylymy zor bolary anyq. Bul eńbek – tek sizdiń ǵumyr jolyńyzdyń aınasy ǵana emes, búkil qazaq eliniń tarıhy men rýhanı murasyn baıytatyn qundy dúnıe. Sondyqtan jańa kitaptaryńyz bolashaq urpaqqa baǵdar bolatyn, eldik pen erliktiń mánin uqtyratyn mańyzdy shyǵarmalardyń biri bolaryna senimdimin, – delingen quttyqtaý hatynda.
Is-sharaǵa belgili qoǵam jáne memleket qaıratkerleri, aqyn-jazýshylar, BAQ ókilderi, jýrnalıster, oqyrmandar qatysty.
