Sondaı aıtýly saıys jýyrda elorda tórinde ótti. El erteńi úshin etigimen sý keshken Alash qaıratkerleriniń rýhyna arnalǵan respýblıkalyq týrnır jalaýyn jelbiretti.
«Alashorda qaıratkerleriniń rýhyna taǵzym etip, jas urpaq boıyna patrıottyq túsinikti sińirý maqsatynda osy týrnırdi uıymdastyrdyq. Ras, buǵan deıin ár sporttan túrli deńgeıdegi saıystar ótti. Biraq Alashorda jetekshileriniń eren eńbegine qurmet kórsetip, tulǵalardyń esimin ulyqtaý maqsatynda doda uıymdastyrý óte sırek. Elimizde kıkboksıng sportynyń damýyna eleýli úles qosyp júrgen joldasym Ernar Omarovpen birlesip oqýshylar men stýdentter arasynda ótkizdik. Barlyq óńirden jınalǵan 500-den astam sportshy qatysty. Ár salmaqta chempıon atanǵan, júldeger bolǵan sportshylar marapattaldy», dedi B.Aıdarov.
О́z qarjysyna aýqymdy doda ótkizgen uıymdastyrýshylar «Alash Orda Cup» respýblıkalyq týrnıri jyl saıyn jalǵasyn tapsa deıdi. Baǵlan týrnırdiń medalin arnaıy tapsyryspen jasatqanyn aıtty. «Keleshekte de bul týrnır jalǵasyn tabýǵa tıis. О́ıtkeni dodaǵa qatysatyn sportshylar Alash arystary, ult qaıratkerleriniń ǵıbratty ǵumyry, ónegeli isteri jaıynda estelikterdi tyńdaıdy. Jas urpaq sanasyna otanshyldyq rýhty sińirýge osyndaı sharanyń tıgizer septigi mol. Sondyqtan da bul týrnırdi jyl saıyn ótkizý dástúrge aınalýǵa tıis», dep atap ótti B.Aıdarov. Kıkboksıng olımpıadalyq sport túri sanalmaıtyndyqtan da qarjylaı qoldaý kórsetý, demeýshilik tanytý kemshin soǵatynyn jetkizdi. Alashorda qaıratkerleriniń rýhyna arnalǵan týrnırdi jyl saıyn ótkizýge qarjylaı demeıtin azamattar tabylsa degen tilegin aıtty.
Baǵlan ózi de osy kıkboksıngpen kásibı shuǵyldanyp, túrli saıysta jeńiske jetti. Áli de babynda, áýesqoılar arasynda álem kýbogi, jahan chempıonaty syndy aıtýly dodalardan oljasyz qaıtqan emes. Bıyl kúzde Birikken Arab Ámirliginde álem chempıonaty ótedi. Irikteýden ótse, el senimin arqalap jahandyq saıysta aıqasqa túspek.
