Azııa oıyndaryndaǵy tarıhı altyn

Tarıhı medal!

Alǵashqy altyn medaldi short-trekshiler Ádil Ǵalııahmetov, Aıbek Násen, Denıs Nıkısha, Mersaıd Jaqsybaev, Abzal Ájǵalıev, Gleb Ivchenko ıelenip, mereıimizdi asyrdy. Kúmis júlde Japonııa, qola medal Qytaı quramasyna buıyrdy. Bizdiń sportshylardyń jeńisin kezdeısoqtyq deýge áste kelmeıdi. Bul – uzaq jylǵy ólsheýsiz tógilgen terdiń óteýine buıyrǵan jetistik. Komandalyq saıystyń úzdigi sanalyp kelgen Ońtústik Koreıa quramasy qysqy Azııa oıyndarynan shettetilgen soń ǵana oraıy keldi degen de jaı sóz. Jigitter bul bıikten kóriný úshin birneshe jyl tynymsyz ázirlik júrgizdi, túrli dodalarǵa qatysyp ábden ysyldy.

Ulttyq Olımpıada komıtetiniń prezıdenti Gennadıı Golovkın men Týrızm jáne sport mınıstri Erbol Myrzabosynov qysqy Azııa oıyndarynda medal enshilegen sportshylardy quttyqtady.

– Short-trekten erler ulttyq quramasy barsha jankúıerdi qýanyshqa bólep, el qorjynyna alǵashqy altyn júldeni saldy. Qytaı tórinde ánuranymyz shyrqalyp, kók týymyz bıikte jelbiredi. Júldeniń biz úshin mańyzy zor. О́ıtkeni bul – elimizdiń short-trek sporty tarıhyndaǵy qysqy Azııa oıyndarynda jeńip alǵan alǵashqy altyn medal. Osy oraıda jattyqtyrýshylar quramynyń da eseli eńbegin erekshe aıta ketken jón. Kezekti saıys kúninde enshimizge birneshe medaldy baılaǵan sańlaqtarǵa alǵys bildiremin. Alda saıysqa túsetin sportshylarǵa sáttilik tileımin, – dedi mınıstr.

Ulttyq quramanyń bas bapkeri Petr Gamıdov sportshylardyń tolaıym tabysy júıeli júrgizilgen jumystyń nátıjesi ekenin atap ótti.

– Qytaıǵa attanǵanda zor jaýap­ker­shilik arqalap bara jatqanymyzdy barlyǵymyz da sezindik. Jigitterdiń komandalyq saıysta altyn medal oljalap, tarıhtyń jańa paraǵyn ashýy – zor tabys. Bul sportta aldyn ala ton piship, jaýyrynǵa qarap boljam jasaý áste múmkin emes. О́ıtkeni kez kelgen oqys jaǵdaı bolýy múmkin. Dese de jekeleı saıysta da shákirtterimizdiń jarqyrap kórinetinine senimdi boldyq. Erlerdiń estafetalyq dodasynda júl­de buıyrady dep úmit ettik. Azııa qur­lyǵynda Qytaı, Ońtústik Koreıa, Ja­ponııa syndy aq aıdyn ústindegi alamanǵa erekshe ekpin salatyn elderdiń úzdikterimen júldege talastyq. Bizde bul sporttyń qarqyndy damyp kele jatqanyna bir dálel – búginde ózge elder de sanasady, – dedi P.Gamıdov.

Araǵa bir múshel merzim úzilis salyp qysqy Azııa oıyndarynyń dodasyna qosylǵan Abzal Ájǵalıev te ulttyq qurama músheleriniń yntymaǵy men qajyr-qaıratyna buıyrǵan tabystyń ońaı kelmegenine toqtaldy.

– 2011 jyly qysqy Azııa oıyndary Almaty men Astana qalasynda ótti. Sonda estafetalyq saıysta qola medal buıyryp edi. Odan keıin jaraqatymdy emdetip júrip qysqy Azııa oıyndaryna jolym túspedi. Endi mine, elimizdi altyn medalmen qýantqanymyzǵa shúkirshilik deımin. Aralas estafetalyq saıysta kúmis júlde oljalaý da orasan jetistik, – dedi A.Ájǵalıev. Qysqy Olımpııa oıyndarynda júldege synyq súıem jetpeı súringen sańlaq (Abzal 2014 jyly Sochı qysqy Olımpıadasynda – 5, 2018 jyly Phıonchhanda – 6, 2022 jyly Beıjińde ótken qysqy alamanda 4-orynǵa turaqtady) aq Azııada dodasynda jekeleı synda joly bol­ma­ǵanymen, estafetalyq saıys­ta top jarǵan jetis­tigin joǵary baǵa­laı­ty­nyn aıtty.

Harbınde alaýy tutanǵan qysqy Azııa oıyndarynda qanjyǵamyzǵa kezekti medaldy short-trek quramasy baılady. 2000 metrge aralas estafetada saıysqa túsip, Ádil Ǵalııahmetov, Malıka Ermek, Denıs Nıkısha, Iаna Han fınaldyq synda kúmis júldege qol jetkizdi.

Áıelder quramasy da 3000 metr­ge júıtkýde kúmis júlde enshiledi. Malıka Ermek, Zeınep Qumarhan, Alına Ájǵalıeva, Madına Janbosynova, Iаna Han, Olga Tıhonova bastaǵan úzdikter jankúıer senimin aqtady.

Short-trekshiler Harbındegi tartys­ty túıindeı sala Álem kýbogine attanyp ketti.

Ákeniń jeńisin jalǵaǵan ul

IH qysqy Azııa oıyndarynda shań­ǵy­shy­larymyz da táýir nátıje kór­setip jatyr. Erler arasynda sprınttik saıystyń irikteý kezeńinde Konstantın Borsov 5-oryn alsa, Oljas Klımın 7-orynǵa, Ilııas Isabek 8-orynǵa, Vladıslav Kovalev 12-satyǵa turaqtap, kelesi aınalymǵa ótti. Fınaldyq tartysta Konstantın Borsov 2:58.28 ýaqyt kórsetkishimen márege úshinshi bolyp jetip, qola medaldy enshilegen edi. Biraq kómbege ekinshi kelgen japon sportshysy Harýkı Iаmashıtanyń «ty­­­ıym salynǵan materıaldy qoldanǵany» anyqtalyp, jarystan shettetildi de, kúmis júlde Konstantınge berildi.

Sáıkestikti qarasańyzshy, osydan týra 29 jyl buryn da III qysqy Azııa oıyndary dál osy Harbınniń shuraıly shuratynda ótken bolatyn. 1996 jyldyń qysynda ótken III qysqy Azııa oıyndarynda Konstantınniń ákesi Vladımır Borsov qatysyp, altyn, kúmis medal oljalady. Júldeger búginde jeke bap­keri bolyp júrgen ákesiniń tálimi arqa­synda osyndaı jetistikke jetkenin maqtanyshpen aıtty.

– Otbasymyz úshin bul medaldiń mán-mańyzy óte joǵary. Sebebi 1996 jyly Harbınde ákem qysqy Azııa oıyn­darynyń estafetalyq saıysynda chempıon atanǵanda men eki aıdan asqan qundaqtaǵy sábı edim. Arada 29 jyl ótkende ákem ári bapkerimniń jeńisti jolyn jalǵap, medal oljaladym, – dedi K.Borsov.

Erler arasynda 10 shaqyrymǵa erkin stılde  báıgege qosylǵan Oljas Klımın qashyqtyqty 21 mınýt, 20,3 sekýndta óndirip, qola júldeni enshiledi. Altyn, kúmis medaldardy japon sportshylary ıelendi.

Áıelder arasynda 5 shaqyrymdyq dodada Nadejda Stepashkına – 5, Ksenııa Shalygına –7, Angelına Shýryga –8, Darıa Rojko 9-oryndy mise tutty.

Ázirge buıyrǵany – eki júlde

Konkı sportynan Evgenıı Koshkın 100 metrge júgirýden kúmis medal enshiledi. Jerlesimiz bul qashyqtyqty 9,47 sekýndta júıtkip ótti. О́kinishke qaraı, Altaı Járdembekuly 4-oryndy qanaǵat tutty. Artýr Ǵalıev 12-satyǵa, Nıkıta Vajenın 15-orynǵa tu­raq­tady.

Áıelder quramasy komandalyq sprınt saıysynda qola medal enshiledi. Krıstına Sılaeva, Darıa Vajenına, Nadejda Morozova úmitti aqtap, márte­bemizdi ósirdi.

Qytaıǵa attanǵan sportshylarymyzdy qoldaýǵa áıgili sańlaqtar da arnaıy baryp, jankúıer bolyp júr. Olar­dyń arasynda Nagano qysqy Olım­pıadasynyń qola júldegeri Lıýdmıla Prokasheva da bar.

– Men 1996 jyly dál osy Harbınde ótken qysqy Azııa oıyndarynda konkımen júgirýden eki qashyqtyqta (1500, 3000 metr) chempıon atanǵan edim. Odan beri de 29 jyl óte shyǵypty. Búginde bul sport túri de erekshe damyp ketti. Muz ústindegi jyldamdyq ta ózgeshe. Álemde básekelestik joǵary. Sportshylarymyz elimizde konkı mek­tebiniń irgesi berik qalanǵanyn kórsetip, júlde oljalady. Qyzdardyń ko­man­dalyq saıysta qola medal en­shi­leýi sózimizge dálel. Budan da jaqsy nátıjemen qýantatynyna senim­dimin, – dedi dańqty sportshy.

Kúmis te, qola da bar

Frıstaıl-akrobatıkadan Aıana Joldas 76.54 upaı jınap, qola medal ol­ja­­­lady. Áıelder dodasynda Ardana Mahanovaǵa da senim artylǵan edi, biraq ol fınaldyq synǵa jetpedi.

Erler arasyndaǵy tartysta Roman Ivanov ta irikteý kezeńinen ótken joq. Kelesheginen kóp úmit kúttiretin jas daryndar Ulanbatyr О́mirzaqov pen Asylhan Asan da júldege jetpeı súrindi. Ulanbatyr 5-oryndy, Asylhan 6-oryndy qanaǵat tutty.

Osy sport túrinen komandalyq tartysta Aıana Joldas, Asylhan Asan, Sherzod Hashırbaev jalpy nátıjede 235,39 upaı jınap, kúmis júldeger atandy.

Irikteý kezeńinen súrinbedi

Hokkeıden erler quramasy da kezekti tartysty jeńiske jetti. Japonııa ulttyq quramasyn 4:1 esebimen yǵystyrǵan jigitter Ońtústik Koreıa hokkeıshilerin 2:1 nátıjesimen utyp, shırek fınalǵa ótti. Irikteý dodasynda Taıland (12:0), Qytaı (6:1), Taıbeı (17:0) quramalaryn iri eseppen jeńgen jigitterge aldaǵy kezeńde de senim zor.

Áıelder quramasy da toptyq kezeń­degi sheshýshi synda Ońtústik Koreıa hokkeıshilerin 1:0 esebimen jeńdi.

Harbın men Iаbýlı qalalaryn dú­bir­ge bólegen qysqy Azııa oıyndarynda elimizden 137 sportshy qatysyp jatyr. Olar 6 sport túrinen 51 medal jıyntyǵy úshin dodaǵa qosylady. Jalpy, qurlyq tartysyna 32 elden 1000-nan astam sportshy qatysyp, 64 medal jıyntyǵyn bóliske salady.