Týrızm • 24 Aqpan, 2025

Qazaqstandaǵy TOP-5 kýrorttyq óńir anyqtaldy

1 mın

oqý úshin

Byltyr qańtar-qyrkúıek aralyǵynda Qazaqstannyń kýrorttyq óńirlerine 3,4 mıllıon týrıst barǵan, dep jazady Egemen.kz.

Dana MYRZAQADIR

Qazaqstandaǵy TOP-5 kýrorttyq óńir anyqtaldy

Foto: invest.kazakhstan.travel

Týrızm jáne sport mınıstrliginiń málimetinshe, qonaq úıler men ornalastyrý oryndary kórsetken qyzmet kólemi 129 mıllıard teńgege jetken.

Al týrıster Qazaqstandaǵy myna 5 aımaqqa jıi barǵan:

1-oryn: Almaty taý klasteri

Elimizdiń eń tartymdy kýrorttyq óńirler reıtınginde Almaty taý klasteri kósh bastap tur. О́ńirge 1 996 801 týrıst saparlaǵan. Ásem taý peızajdary men taza aýasy óńirdi belsendi jáne tabıǵat aıasyndaǵy demalysty unatatyndar úshin naǵyz tartymdy orynǵa aınaldyrdy.

2-oryn: Mańǵystaý kýrorttyq óńiri

Mańǵystaýdyń kórikti peızajdary men Kaspıı teńiziniń jaǵalaýynda 325 013 týrıst demalǵan.

3-oryn: Shýche-Býrabaı kýrorttyq óńiri

Ormany, kólderi jáne kýrorttyq keshenderimen áıgili bul óńir 275 295 saıahatshyny qabyldaǵan.

4-oryn: Alakól kýrorttyq óńiri

Alakól kóliniń Abaı oblysyndaǵy aýmaǵyna 125 621, Jetisý oblysyndaǵy bóligine 113 059 týrıst barǵan. Osylaısha, bul óńir elimizdiń basty tabıǵı injý-marjany ekenin taǵy bir márte dáleldedi.

5-oryn: Balqash kýrorttyq óńiri

Balqash kóliniń jaǵalaýynda ornalasqan demalys óńiri byltyr 9 aıda 120 948 týrıst qabyldaǵan.