Jalpy komandalyq esepte Reseı sportshylary top bastasa, Iran men Mysyr quramalary úshtikti túıindedi.
Qanjyǵamyzǵa alǵashqy altyn medaldi kýmıte baǵdarlamasy boıynsha kúshin synaǵan Dinmuhammed Aıdarbek (U16-17) enshiledi. Ol 55 kg salmaqta barlyq qarsylasyn aıqyn utty. Dinmuhammed 2023 jyly osy Fýdjeıradaǵy saıystyń qola júldegeri atanǵan bolatyn.
14-15 jas sanatynda Nurasyl Nurseıit (52 kg) pen Suńqar Qanıbek (70 kg) chempıon atandy. Nurasyl fınaldyq synda ýkraın sportshysyn jeńse, Suńqar horvat qarsylasynan basym tústi.
Qyzdar arasynda Aıaýlym Tilektes (47 kg) 6 jekpe-jekte qarsylasyn aıqyn utty. Halyqaralyq týrnırdiń qola medalin U21 jas sanatynda Aqnıet Sherızat (55 kg), U16-17 jas sanatynda Gúlnur Qoıshybaı (59 kg), 14-15 jas aralyǵyndaǵy jasóspirimder dodasynda Ámir Keńesbaı (52 kg), Rýslan Erkin (57 kg), Batyr Ádil (57 kg), 12-13 jas aralyǵyndaǵy jetkinshekter saıysynda Arnur Murat (45 kg) pen Insar Ahmadıev (50 kg) oljalady.
Fýdjeıradaǵy týrnırge 87 elden 2400-ge tarta sportshy qatysty. Elimizden 140 karate sheberi baǵyn synady. Jastar lıgasynyń A serııasyndaǵy kelesi doda Ispanııanyń Gvadalahara qalasynda ótedi.
