Foto: Ulttyq ekonomıka mınıstrligi
Mınıstrliktiń málimetinshe, 2024 jyly JIО́-niń 4,8%-ǵa naqty ósýi kezinde 2025 jylǵa target – 7% mólsherinde dep belgilenip otyr. Bul ekonomıkanyń naqty sektorynyń ınvestısııalyq jobalaryn ýaqtyly iske asyrý kezindegi óte joǵary, biraq qol jetkizýge bolatyn kórsetkish.
Energetıka vıse-mınıstri Erlan Aqkenjenov aıtýynsha, qańtar aıynyń qorytyndysy boıynsha munaı óńdeý 1,53 mln tonnany qurady nemese ótken jylǵy qańtardaǵy kórsetkishpen salystyrǵanda – 104%. Bul kórsetkish 2025 jylǵy birinshi aıdaǵy jospardan 0,6%-ǵa alda.
Qazaqstannyń JIО́ qurylymyndaǵy jalpy munaı óńdeý úlesi 1%-dan az (2023 jyly – 0,8%, 2024 jyly 9 aıda – 0,6%). Sonymen qatar munaı óńdeý salasy – bul qosylǵan quny joǵary ónim óndirisi. 2025 jylǵy mamyrdyń sońynda «CaspiBitum» BK JShS keńeıtý jobasyn iske asyrý aıaqtalǵannan keıin onyń qaıta óńdeý qýaty 1 mln tonnadan 1,5 mln tonnaǵa deıin ulǵaıýy tıis. 2026 jyly Qazaqstanda qaıta óńdeý qýatynyń jıyntyq kólemi 18 mln tonnadan 18,5 mln tonnaǵa deıin ósedi.
Vıse-premer iri qaıta óńdeý zaýyttary men shaǵyn MО́Z júktemesine qatysty ózekti máselelerdi tyńdady.
«Qandaı da bir eleýli syrtqy faktor bolmasa, munaı óńdeý salasynda bıyl Qazaqstannyń JIО́-ge úlesin ulǵaıtýǵa jaqsy múmkindik bar», dedi Serik Jumanǵarın.
Sonymen qatar Mańǵystaý oblysynyń targetteletin fızıkalyq ósý ındeksiniń quramdas bóligi jekeleı qarastyrylǵan. Osy jylǵa arnalǵan 7%-dyq ósý mindeti kezinde qańtardyń qorytyndysy boıynsha aýyl sharýashylyǵy men balyq sharýashylyǵynda (jospardaǵy 101%-dan 87,5%-ǵa) jáne saýdada (nysanaly 105,4%-dyń ornyna 102%) kórsetkishterdiń tómen oryndalýy baıqalǵan.
Vıse-premer aldaǵy aılarda qoıylǵan jospardyń oryndalýyn qamtamasyz etýdi tapsyrdy. Elimizdiń JIО́-degi saýdanyń aıtarlyqtaı úlesin eskere otyryp (2024 jyly 19%) shtabtyń jaqyn aradaǵy otyrystarynyń biri qoımasy bar saýda men kólik salasyna arnalady.
Sondaı-aq shtab otyrysynda óńirdiń bıýdjettik-ınvestısııalyq jobalaryna qarajattyń tómen ıgerilý sebepteri qaralyp, taldaý jasaldy. Vıse-premer shuǵyl qarjylandyrýdy qajet etetin barlyq jobany olardyń ekonomıkanyń naqty sektoryna salymdy ulǵaıtýǵa áser etý prızmasy turǵysynan zerdeleýdi tapsyrdy.
