О́ńirdegi Aqsýat aýdanyna qarasty Qojakeldi aýylynda jergilikti qaýymdastyqtyń sanaly tańdaýyn aıqyndaıtyn mańyzdy kezdesý ótti. Atqarýshy organdardyń ókilderi, aqsaqaldar keńesi, aýyl ımamy, polısııa bóliminiń bastyǵy, ýchaskelik ınspektor jáne aýyl turǵyndary negizgi áleýmettik máselelerdi talqylady.
Nátıjesinde biraýyzdan jáne túbegeıli sheshim qabyldandy – alkogoldi ishimdikterden tolyq bas tartý. Bul qadam tek qoldaý tapqan joq, sonymen birge búkil qaýymdastyq, úlkennen kishige deıin, ony sanaly túrde qabyldady.
Sheshimniń negizinde dástúrli qundylyqtar, otbasylyq bereke jáne salaýatty bolashaqqa degen umtylys jatyr.
Polısııa qyzmetkerleri sońǵy bes jyl ishinde Kojakeldide alkogoldi tutynýǵa baılanysty birde-bir qylmys nemese quqyq buzýshylyq tirkelmegenin atap ótti. Bul aýyl turǵyndarynyń joǵary áleýmettik jaýapkershiligin jáne aqsaqaldardyń jastardy parasattylyq jolyna baǵyttaýdaǵy mańyzdy rólin kórsetedi.
Biz ómirdiń alkogolsiz – otbasydaǵy tatýlyq, kóshedegi qaýipsizdik, erteńgi kúnge degen senim ekenin kórip otyrmyz. Bizdiń tańdaýymyz – bul tyıym emes, bolashaq urpaqqa amanat eter ıgilikti ómirge sanaly umtylys, - dedi aýyl aqsaqaldarynyń biri.
Endi Kojakeldi basqa eldi mekenderge úlgi bolyp, salaýatty ómir salty – úılesimdilikke, damýǵa jáne búkil qaýymnyń gúldenýine aparatyn jol ekenin dáleldeýde.
