Týrızmdi damytý múmkindigi

«Týrızm – bıznes pen ekono­mı­kanyń tutas salasy. Mamandardy daıarlaý qajet. Tabıǵı baılyǵy­men, jan-janýarlar dúnıesimen búkil álemge tanymal elimizdiń bıo­logııalyq áralýandyǵyn qorǵaý aıryqsha mańyzdy mindetke aınaldy. Aqmola oblysynyń orasan zor týrıstik áleýeti Shýchınsk – Býrabaı aýmaǵymen ǵana shektelmeıdi. Demalys aımaǵy retinde múmkindigi mol Zerendi, Sandyqtaý, Aqkól jáne basqa da jerlerdi jan-jaqty damytý qajet. Aımaqtaǵy kórikti ári kıeli oryndardyń bári ózara kiriktirilip, úılestirilgen aýqymdy týrıstik klaster qalyptastyrý mańyzdy», dedi Prezıdent.

Memlekettiń damýyna zor qar­qyn qosatyn bul salada áli de atqa­rylar sharýa jetkilikti. Osy salany óristetý arqyly óńirlerde jańa jumys ornyn ashýdyń múmkindigi de mol. Shalǵaıdaǵy aýyldarda iri óndiris orny, zaýyttardyń salyna bermeıtini belgili. Sol aýyldardyń tumsa tabıǵaty, tarıhı, mádenı oryndary týrısterdiń kóptep keletin turaǵyna aınalýy múmkin. Ár kelgen týrıstiń tóleıtin qarajaty aýyl bıýdjetine túsedi. Álemdik tájirıbede mundaı tásil erteden qoldanylady. Elimizde keıingi 7-8 jyldyń ishinde ǵana qarqyndy damyp, qolǵa alyna bastady. Onyń jarqyn mysaly – Almaty oblysy Kegen aýdanyndaǵy Saty aýyly. Áıgili Kólsaı kólderine irgeles oryn tepken aýyl byltyr Dúnıejúzilik týrıstik uıymnyń (UNWTO) úzdik aýyl atalymyn aldy. Bul aýylda birneshe qonaqúı bar, odan syrt, turǵyndardyń bar­ly­ǵy derlik týrızm salasynda nesi­be­sin taýyp otyr. Osy modeldi elimizdiń ózge óńirlerine de engizý maqsatynda túrli ekspedısııalyq sapar, semınar uıymdastyramyz. Jylda aýyldardy aralap, jer­gilikti halyqpen júzdesip, týsyrap jatqan dalaǵa týrızm tamyr tartsa, tabys kózi ashylatynyn aıtamyz. Turǵyndardyń oqý kýrs­tarynan ótýine jaǵdaı jasaımyz. Qonaqúı bıznesi, týrızm servısin zaman talabyna saı nyǵaıtýǵa jol silteımiz. Búginde osyndaı semınar, trenıngke qatysyp, biliktili­gin arttyrǵan aýyl turǵyndary­nyń sany myńǵa jetti. Elýge tarta jańa týrıstik oryn ashylyp, kelýshilerdiń qyzyǵýshylyǵyn arttyrdy.

Memleket basshysy Ulttyq quryltaıda atap ótkendeı, óńir­lerde týrızmdi damytý baǵytyn­daǵy mańyzdy is-sharalardy júıe­li uıymdastyrý kerek. Bul rette oıyn-saýyqtyq jıyndar emes, týrıster tartýǵa serpin beretin maǵynaly basqosýlar jıi ótýi kerek. Tek aýyldyq jerlerde emes, iri megapolıs, oblys ortalyqtarynda ótetin is-sharalar da týrısterdi tartýdyń kózi bolýǵa tıis. Mysaly, Túrkistan qalasy týrıstik meken bolǵanyna qaramastan, kúzdiń sońy, qysqa qaraı týrıster azaıady. Onyń salqyny qonaqúılerge, basqa da týrıster aralaıtyn oryn­darǵa aıtarlyqtaı áser etedi. Kúz mez­giliniń aıaǵyna qaraı ótetin Túrki­stan marafony osy olqylyq­qa aıtar­lyqtaı jamaý bolyp keledi. 2 myńnan asa qatysýshy qalaǵa jan-jaqtan jınalady. Kelgen qonaq­tar kóbine qonaqúılerge toqtaıdy. Mine, osyndaı aýqymdy sharalardy ár qalada ótkizý arqyly da týrısterdi tartýǵa bolady.

Danıel SERJANULY,

«Kazakh Tourism» UK» AQ basqarma tóraǵasynyń orynbasary