Memleket basshysynyń tapsyrmasyn oryndaý maqsatynda Sybaılas jemqorlyqqa qarsy is-qımyl agenttigi qoǵamda zańdylyq pen tártip qaǵıdatyn qamtamasyz etý, sondaı-aq jemqorlyq faktileriniń jolyn kesý jónindegi jumysty jalǵastyryp jatyr.
Sybaılas jemqorlyqqa qarsy qyzmettiń Astana qalasy boıynsha departamenti aýyr sybaılas jemqorlyq qylmys jasady degen kúdik boıynsha Aýyl sharýashylyǵy mınıstrligi Departamenti dırektorynyń burynǵy orynbasaryna qatysty qylmystyq isti tergep jatyr.
«Ol affılıırlengen kompanııany qyzmettik kólikti jóndeýge zańsyz tartqan, ol arqyly bıýdjet qarajatyn qolma-qol aqshaǵa aınaldyryp, urlap áketken, bul memleketke 3 mln teńgeden astam shyǵyn keltirýge ákep soqtyrǵan», delingen habarlamada.
Tergeý jalǵasyp jatyr. Qylmystyq-prosestik kodekstiń 201-babyna sáıkes ózge aqparat jarııa etýge jatpaıdy.
Konstıtýsııanyń 77-baby 3-tarmaǵynyń 1-tarmaqshasyna jáne Qylmystyq-prosestik kodekstiń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.
