Fotolar: Túrki Akademııasynyń baspasóz qyzmeti
Túrki Akademııasynyń prezıdenti, akademık Shahın Mustafaev sharanyń tusaýkeser rásiminde sóılegen sózinde basylymnyń Qazaqstan men Ázerbaıjan arasyndaǵy mádenı baılanystardy nyǵaıtýǵa zor úles qosatynyn atap ótti.
Romannyń orys tilinen aýdarylǵan ázerbaıjan tilindegi alǵashqy nusqasy 1954 jyly Eıýp Abbasovtyń tárjimeleýimen, sol kezdegi kırıll qarpinde jaryqqa shyqqan edi. Sodan beri 70 jyl ýaqyt ótse de ataqty týyndy ázerbaıjan oqyrmandaryna qaıtadan usynylmaǵan.
Túrki Akademııasynyń baspasóz qyzmetiniń málimdeýinshe jańa aýdarma latyn qarpimen, ázerbaıjannyń ádebı til normalaryna saı jáne qazaq tilindegi túpnusqasymen salystyrylyp, alǵashqy basylymdaǵy qatelikteri túzetilip, keńes úkimeti kezinde senzýraǵa ushyraǵan tustary qaıtadan tolyqtyrylyp basylǵan.
Akademık Shahın Mustafaev romandy jaryqqa shyǵarýǵa úles qosqan redaktor Farıd Hýseınge jáne barsha shyǵarmashylyq ujymǵa alǵysyn bildirdi.
«Abaı» romanynyń mundaı formatta jaryq kórýi – tek ádebı oqıǵa ǵana emes. Bul – mádenı jadyny jańǵyrtý, ortaq rýhanı muramyzǵa degen qurmet pen ony saqtaý jolyndaǵy naqty qadam. Túrki Akademııasy aldaǵy ýaqytta da túrki halyqtarynyń mádenı-rýhanı murasyn zerdeleý jáne nasıhattaý baǵytyndaǵy keshendi jumystardy jalǵastyra beredi», dedi Akademııa basshysy.
Tusaýkeserge Ázerbaıjandaǵy Atatúrik ortalyǵynyń jetekshisi Nızamı Djafarov, Ázerbaıjan Mıllı Májilisiniń depýtattary, Qazaqstan Respýblıkasynyń Ázerbaıjandaǵy Tótenshe jáne О́kiletti Elshisi Álim Baıel, TÚRKPA Bas hatshysy Mehmet Súreııa Er, Túrki mádenıeti men murasy qorynyń apparat jetekshisi Fahrı Hadjıev, sondaı-aq ǵylymı jáne bilim berý mekemeleriniń ókilderi, ádebıet jáne mádenıet qaıratkerleri qatysty.
