5 sáýirge josparlanǵan jalpy qalalyq senbilik aýa raıynyń qolaısyzdyǵyna baılanysty ótpeı qalsa da, kommýnaldyq qyzmetkerler men eriktiler kúndelikti tazalyq jumystaryn toqtatpady. Qala ákiminiń orynbasary Qýanysh Seıitimbetovtyń aıtýynsha, turmystyq qaldyqtardy jınaý jumystary 31 naýryzdan bastap qarqyndy júrgizilgen.
– Aýa raıynyń qolaısyzdyǵyna qaramastan, eki kún ishinde jeke sektor men kópqabatty úıler aýmaǵynan 1800 tonna qoqys shyǵaryldy. Tazalyq jumystary ári qaraı da jalǵasady, – dedi Qýanysh Seıitimbetov.
Aıta keteıik, Taldyqorǵan qalasynda 12, 19 jáne 26 sáýir kúnderi jergilikti senbilikter ótkizý josparlanǵan.
