Foto: ijf.org/judoka
Tatamı sheberleri kúni erteń Astanada jalaýyn jelbiretetin dzıýdodan halyqaralyq Grand Slam jarysynda baq synaıdy.
Erejege sáıkes, jarysty qabyldaýshy el ár salmaqta tórt sportshyǵa deıin qatystyra alady. Bul jas sportshylardyń tájirıbe jınaqtaýyna jáne IJF álemdik reıtınginde mańyzdy upaılar enshileýine jol ashady.
Álemdik dzıýdo arenasyndaǵy eń joǵary dárejeli jarystardyń biri Grand Slam jeńimpazdaryna - 1000, kúmis júldegerge — 700, al qola medal ıegerine 500 reıtıngtik upaı beriledi. Bul upaılar Olımpıada joldamasyna talas jolyndaǵy sheshýshi mánge ıe.
Bul jarys Halyqaralyq dzıýdo federasııasynyń kúntizbesindegi álem chempıonatyna deıingi sońǵy iri týrnır. Al el quramasynyń bapkerleri sportshylardyń daıyndyǵyn osy synda naqty baǵalaı alady.
Halyqaralyq jarys Jaqsylyq Úshkempirov atyndaǵy jekpe-jek saraıynda ótedi. Kirý — tegin. Dzıýdo dodasyn Qazsport telearnasy tikeleı efırde kórsetedi.
Aıta keteıik, týrnırge Parıj olımpıadasynyń chempıony, Rıo-de-Janeıroda ótken HHHI jazǵy Olımpıadasynyń kúmis júldegeri, Tokıoda ótken HHHII jazǵy Olımpıadasynyń qola júldegeri Eldos Smetov qonaq retinde qatysady.
