foto:gov.kz
Teorııalyq bólimde súńgýir túsirýdiń fızıkalyq jáne fızıologııalyq negizderi, súńgýir medısınasy, jabdyqtar men túsirýdi uıymdastyrý tásilderi qarastyryldy. Praktıkalyq sabaqtarda súńgýir jabdyqtaryn paıdalaný, qutqarý operasııalary jáne sý astyndaǵy tótenshe jaǵdaılardan shyǵý daǵdylary jetildirildi.
Tájirıbeli nusqaýshylardyń basshylyǵymen jeke quram ártúrli tereńdikterge súńgýirler túsirip, kemelerdiń sý asty bólikteriniń zaqymdaný yqtımaldyǵyn tekserdi. Is-shara barysynda arnaıy tapsyrmalardy oryndaý kezinde qaýipsizdik erejeleri men is-qımyldardy úılestirýge erekshe kóńil bólindi.
Is-shara jetekshisi kapıtan-leıtenant Saıran Ábdikárimov súńgýirlerdiń sý astynda arnaıy mindetterdi oryndaýǵa árdaıym daıyn bolýy tıis ekenin aıtty.
– Árbir súńgýir jaraqtar men quraldardy tolyq meńgerip, sý astynda saýatty áreket jasap, kemeniń súńgýir toby quramynda tıimdi ózara áreket ete bilýi kerek, – dedi ol.
Áskerı qyzmetkerler súńgýir jabdyqtarynyń tehnıkalyq jáne materıaldyq quramyn zerttep, synaqtardan sátti ótip, arnaıy quraldy qoldanýǵa ruqsat aldy.
Aıta ketý kerek, Áskerı-teńiz kúshterinde súńgýir daıyndyǵy únemi júrgiziledi.
Damıra Tólegen
EUÝ stýdenti
