Foto: ashyq derekkózder
Astana qalasynyń qoǵamdyq densaýlyq saqtaý basqarmasy avtobýspen bolǵan jol-kólik oqıǵasynda jaraqat alǵan jolaýshylardyń jaǵdaıy týraly jańartylǵan aqparat taratty.
Jedel járdem brıgadalary túrli jaraqat alǵan 15 adamdy qalanyń medısınalyq mekemelerine jetkizdi. Olardyń úsheýi aýrýhanaǵa jatqyzyldy, qalǵandaryna alǵashqy medısınalyq kómek kórsetilip, úılerine jiberildi.
- Aýrýhanaǵa túskenderdiń jaǵdaıy aýyr dep baǵalanyp otyr. Bir naýqasqa tómengi aıaqtyń ampýtasııasy jasaldy. Barlyq zardap shekkenderge tolyq kólemde qajetti medısınalyq kómek kórsetilip jatyr, - delingen basqarmanyń habarlamasynda.
Eske sala keteıik, jol apaty 2 maýsymda Astananyń Respýblıka dańǵylynda bolǵan. Marshrýttyq avtobýs jol belgileriniń tiregine soǵylǵan. Aldyn ala málimet boıynsha, jaraqat alǵandardyń ekeýi Ulttyq jedel medısınalyq úılestirý ortalyǵyna jetkizilgen.
Janel TО́LEÝBEKOVA, EUÝ stýdenti
