Qujat tájirıbe almasýǵa, birlesken jobalardy iske asyrýǵa jáne arhıv salasyndaǵy kásibı ózara is-qımyldy damytyp, Qazaqstan men Lıtva arasyndaǵy mádenı-gýmanıtarlyq yntymaqtastyqty nyǵaıtýǵa baǵyttalǵan.
Saltanatty is-shara aıasynda «Qazaq dalasy mádenıetindegi áıel róli (XIX ǵasyrdyń sońy – XX ǵasyrdyń basy)» atty halyqaralyq fotokórmeniń ashylýy ótti. Kórmege otandyq arhıv qorynan alynǵan tarıhı fotomaterıaldar qoıylyp, kópshilikke qazaq áıelderiniń qoǵamdyq ómirdegi erekshe orny men róli kórsetildi. Kórme Lıtva arhıvshileriniń qoldaýymen ázirlenip, alǵash ret halyqaralyq aýdıtorııaǵa usynyldy.
Jıynda Lıtva Ortalyq memlekettik arhıviniń dırektory Dalıýs Jıjıs pen Qazaqstannyń Lıtvadaǵy elshisi Tımýr Orazaev quttyqtaý sóz sóıledi. Elimizdiń delegasııasy arhıv qyzmeti men halyqaralyq jobalarǵa toqtaldy.
Issapar aıasynda otandyq mamandar Vılnıýs, Kaýnas jáne Klaıpeda qalalaryndaǵy arhıv mekemelerinde boldy. Eki el arasyndaǵy áriptestikti damytý maqsatynda arhıv qyzmetkerlerimen kásibı kezdesýler ótkizilip, fotokórmeler men kınoqujattar kórsetilimderin birlesip uıymdastyrý, aýdıovızýaldy qujattarmen almasý jáne qujattardy sıfrlandyrý salasyndaǵy tájirıbe almasý baǵyttary talqylandy.
Aıta keteıik, 10-11 maýsym kúnderi arhıv mamandary Qazaqstan tarıhy men mádenıetine qatysty materıaldardy anyqtaý maqsatynda Lıtva arhıvterinde ǵylymı-zertteý jumystaryn júrgizdi.
