Foto: Ashyq derekkóz
Anasynyń aıtýynsha, balasy sırek kezdesetin mı aýrýy men epılepsııadan zardap shegedi. Sońǵy bir jarym jyl boıy remıssııada bolǵanymen, 2025 jyldyń mamyr aıynda taǵy da ustama qaıtalanǵan. Osydan keıin anasy balasyna berilgen «Depakın» sıropynyń jaramdylyq merzimi ótip ketkenin anyqtaǵan.
Oblystyq densaýlyq saqtaý basqarmasynyń málimetinshe, preparat 2024 jyldyń 31 jeltoqsanynda berilgen. Olardyń aıtýynsha, anasyna 1414 qyzmeti arqyly habar berilgen, sondaı-aq birneshe ret telefon arqyly baılanysýǵa áreket jasalǵan.
«Anasy bul preparatty sol kezde almaǵan, sebebi buǵan deıin berilgen dári jetkilikti bolǵan. Ol tek 2025 jylǵy 23 mamyrda kelip, dárini alǵan. Sol kezde medbıke jaramdylyq merzimine mán bermeı qalǵan», delingen resmı túsiniktemede.
Balany tárbıelep otyrǵan ana bul málimdememen múlde kelispeıtinin aıtqan.
«Kóshe boıynda kórshiles úıde turyp jatqan adamdy tappadyq degenge kim senedi? Balamnyń densaýlyǵy úshin kún-tún úıde otyramyn, dárini almaýym múmkin emes. Bul júıege degen senimniń buzylýy. Eger dári berilse, ol qoldanýǵa jaramdy bolýy tıis», dedi ol.
Oblystyq densaýlyq saqtaý basqarmasy qyzmettik tekserý bastalǵanyn habarlady. Ýchaskelik medbıke jumystan ýaqytsha shettetilgen. Dıssıplınarlyq keńes otyrysy onyń qyzmetke sáıkestigin anyqtaıtyn bolady.
Vedomstvo ókilderi qazirgi ýaqytta bala tolyq kólemde qajetti dárimen qamtamasyz etilgenin atap ótti.
Aıta keteıik, Qazaqstanda qazirgi ýaqytta dári-dármek baǵasyn retteýdiń jańa erejeleri engizilip jatyr.
