Is-sharaǵa ýnıversıtettiń Basqarma tóraǵasy-rektory Bolat Tilep, Bilim berý baǵdarlamalaryn taldaý departamentiniń dırektory Nurjamal Oshanova, fakýltet dekany Sherıpıdın Hamraev, kafedra meńgerýshileri, professorlyq-oqytýshylar quramy, túlekter, olardyń ata-analary qatysty.
Saltanatty is-shara barysynda Ǵylym jáne joǵary bilim mınıstri Saıasat Nurbektiń túlekterge arnaǵan beınequttyqtaýy kórsetilip, jas mamandarǵa aqjarma tilekter aıtyldy.
Rásimde ýnıversıtet rektory Bolat Tilep quttyqtaý sóz sóılep, bitirýshi túlekterdi quttyqtap, jas mamandardyń ýnıversıtet bedelin arttyryp, el ıgiligine adal qyzmet etetinine senim bildirdi.
«Sizder osy qarashańyraqta boıyńyzǵa bilim ǵana emes, ómirlik baǵyt-baǵdar, adamı qundylyqtar men asqaq rýhty sińirdińizder. Árıne, bul aldaǵy ómir joddaryńyzda bıik maqsattarǵa jeteleıtin altyn arqaý bolady dep senemin. Kásibı joldaryńyz tabys pen sáttilikke toly bolǵaı!», dedi rektor.
Sonymen qatar, dıplom tabystaý rásiminde túlekterge ýnıversıtet atynan uly aqyn Abaı Qunanbaevtyń «Qara sózder» jınaǵy estelik retinde tartý etildi.
Aıta keteıik, bıyl Matematıka, fızıka jáne ınformatıka fakýltetin 850 túlek támamdap jatyr. Onyń 692-i bakalavr, 156-y magıstrant.
