Chempıon atanǵandar qatarynda Sanjar Táshkenbaı (50 kg), Mahmud Sabyrhan (55 kg), Sabyrjan Aqqalyqov (75 kg), Bekzat Nurdáýletov (85 kg), Aıbek Oralbaı (90+ kg), Nazym Qyzaıbaı (48 kg), Vıktorııa Grafeeva (60 kg), Natalıa Bogdanova (70 kg) bar.
Kúmis júldeni Nurbek Oralbaı (80 kg), Alýa Balqybekova (51 kg), Nadejda Rıabes (75 kg), Eldana Tálipova (80+ kg) jeńip aldy. Qola medaldy Ertýǵan Zeınýllınov (65 kg), Saǵyndyq Toǵambaı (90 kg), Aıdana Zabynbekova (57 kg), Aıda Ábikeeva (65 kg) ıelendi.
Úsh dúrkin álem chempıony Nazym Qyzaıbaı fınaldyq jekpe-jekte úndistandyq Mınakshı Mınakshımen aıqasty. Tartysqa toly básekede N.Qyzaıbaı tehnıkalyq, taktıkalyq turǵyda óziniń myqtylyǵyn dáleldep, aıqyn basymdyqpen jeńiske jetti.
Natalıa Bogdanova fınaldyq básekede aýstralııalyq Lekeıshı Pergolıtıge qarsy kúsh synasty. Sheshýshi kezeńde N.Bogdanova qarsylasynan 5:0 esebimen basym túsip, altynnan alqa taqty.
Álem chempıony (2023) Sanjar Táshkenbaı fınaldyq aıqastyń úshinshi raýndynda fılıppındik Djeı Braıan Barıkýatrony nokdaýnǵa túsirdi. Qorytyndy esep – 5:0, jerlesimiz biraýyzdan jeńimpaz dep tanyldy.
Vıktorııa Grafeeva sheshýshi synda brazılııalyq Rebeka De Lıma Santospen sheberlik baıqasty. Úsh raýndtyń qorytyndysynda Vıktorııa Grafeeva 60 kg salmaqta álem kýboginiń jeńimpazy atandy.
85 kg salmaqta belgili bylǵary qolǵap sheberi Bekzat Nurdáýletov úndistandyq Jýgno Jýgnomen judyryqtasty. Jerlesimiz alǵashqy raýndtan-aq qarsylasyn nokdaýnǵa túsirip, qarsy soqqy jasaýǵa múlde múmkindik bermedi. Nátıjesinde, Bekzat Nurdáýletov Álem kýboginiń altyn júldesin jeńip aldy.
Taǵy bir tanymal sportshymyz, álem chempıony Mahmud Sabyrhan sheshýshi synda Japonııa boksshysy Rýı Iаmagýchımen shyǵýy tıis bolǵan edi. Alaıda qarsylasy jaraqatyna baılanysty rıngke shyqpaı, jeńis Mahmudqa berildi.
75 kg salmaq dárejesiniń fınalynda jastar arasyndaǵy álem chempıony (2021), Azııa chempıony (2024) Sabyrjan Aqqalyqov Eýropa chempıony, bolgarııalyq Ramı Kıvandy aıqyn basymdyqpen jeńdi, barlyq tóreshi bir aýyzdan (5:0) jeńisti bizdiń sportshyǵa berdi.
Álem chempıony Alýa Balqybekova fınalda Fınlıandııa ókili Pıhla Kaıvo-Oıamen qolǵap túıistirdi. О́kinishke qaraı, tartysty ótken jekpe-jekte A.Balqybekova jeńilip qaldy. Ekinshi raýndta erejeni buzǵany úshin tóreshi Alýadan bir upaı alyp tastady.
Aýyr salmaqtaǵy sańlaq Aıbek Oralbaı fınalda germanııalyq Nıkıta Pýtılovty erkin jeńdi.
Olımpııa oıyndarynyń kúmis júldegeri, álem chempıony Nurbek Oralbaı bul joly kúmis júldeni mise tutty. Nurbek fınalda Fransııa eliniń boksshysy Iojerlen Sezarmen qolǵap túıistirdi. Jekpe-jek barysynda otandasymyz qarsylasyna ese jiberip, ekinshi oryndy enshiledi.
75 kg salmaq dárejesinde Nadejda Rıabes fınaldyq synda norvegııalyq Sýnnıva Hofstadpen qolǵap túıistirdi. Úsh raýndtyń qorytyndysynda tóreshilerdiń sheshimimen jeńis Norvegııa boksshysyna buıyrdy.
80 kg salmaq dárejesinde synǵa túsken Eldana Tálipova fınalda Úndistan ókili Nýpýrǵa qarsy aıqasty. Jekpe-jek teń dárejede ótti. Degenmen tóreshilerdiń sheshimimen úndistandyq sportshy jeńimpaz atandy.
Saǵyndyq Toǵambaı, Ertýǵan Zeınýllınov, Aıda Ábikeeva, Aıdana Zabynbekova jartylaı fınalda súrinip, qola júldege ıe boldy.
Jalpykomandalyq esepte 8 altyn, tórt kúmis, 4 qola medalmen jerlesterimiz dara shyqty. Ekinshi, úshinshi oryndarda – Brazılııa (4+2+1), Úndistan (3+5+3) quramalary.
Esterińizge sala ketelik, sáýir aıynda Brazılııada ótken álem kýboginiń tusaýkeserinde elimizdiń erler quramasy eki altyn, bir qola medal ıelendi. Jalpy esepte jerlesterimiz О́zbekstan (5+2+1) men rıng qojaıyndarynan (2+2+1) qalyp qoıdy. Ekinshi kezeń Polshada uıymdastyryldy. Varshavada da ózbekter (6+1+2) aldyna jan salmady. Ekinshi, úshinshi oryndarda – jarys qojaıyndary (5+3+10) men Italııa (3+3+1). Bul jarysqa elimizdiń bylǵary qolǵap sheberleri qatysqan joq.
