Zaýyt baspasóz qyzmetiniń aqparatyna súıensek, 1945 jyly paıdalanýǵa berilgen nysannyń aýmaǵy – 1 000 sharshy metr. Al jobalyq kólemi 6 233 tekshe metrdi quraǵan.
«Byltyr qazan aıynda munaıtutqysh nysanyn bosatý jumystary bastaldy. Sodan beri 7 100 tonna qaldyq shyǵaryldy. Bıyl sáýir aıynda nysan tolyqtaı joıyldy. Bul joba Atyraý munaı óńdeý zaýytynyń turaqty damý qaǵıdattary aıasynda qorshaǵan ortaǵa ekologııalyq áserdi azaıtý, óndiristik ınfraqurylymdy jańǵyrtýǵa baǵyttalǵan keshendi sharalardyń biri retinde qolǵa alyndy», dep habarlady zaýyttyń baspasóz qyzmeti.
Aldaǵy ýaqytta munaıtutqysh nysanynyń ornyna býferlik syıymdylyq pen shaǵyn kondensattyq stansa salý josparlanyp otyr. Jańa nysandarda shtattan tys jaǵdaılar kezinde aǵyndy sý jiberilip, ýaqytsha saqtalady.
«Zaýyttyń aýmaǵynda 2023 jyly Tazalyq ekologııalyq jobasy aıasynda júrgizilgen mehanıkalyq tazartý qondyrǵylaryn jańǵyrtý kezinde 5 ashyq toǵan joıylǵan edi. Altynshy basseın – apattyq qambanyń beti aspaly qurylǵymen jabyldy, dep málimdedi zaýyttyń baspasóz qyzmetinen.
