Foto: «QazAvtoJol»
Aldyn ala málimetter boıynsha, Toyota Alphard júrgizýshisi joǵary jyldamdyqpen kele jatyp, júk kóligin oń jaq jolaq arqyly basyp ozýǵa tyrysqan. Nátıjesinde ol qorshalǵan jóndeý aımaǵyna shyǵyp ketip, arnaıy tehnıkamen soqtyǵysqan. Saldarynan avtokóliktegi 5 adam men 1 jol jumysshysy mert bolǵan.
«QazAvtoJol» kompanııasynyń habarlaýynsha, jol ýchaskesinde jóndeý jumystary tıisti ruqsatnama negizinde júzege asyrylyp jatqan. Sondaı-aq, barlyq qajetti ýaqytsha jol belgileri ornatylǵan.
Toyota Alphard-ty tizgindegen júrgizýshi men bir jolaýshy túrli jaraqattarmen aýrýhanaǵa jetkizilgen. Aımaq polısııasy qazirgi ýaqytta tergeý júrgizilip, qylmystyq is qozǵalǵanyn habarlady.
