«UQ valıýtalyq portfeliniń ınvestısııalyq kirisi bir jylda 7,59%-dy nemese 4,6 mlrd dollardy qurady. Keıingi jyldary kiristiliktiń ósýine Ulttyq banktiń aktıvterdi konservatıvti bólýden neǵurlym teńgerimdi bólýge kóshý nátıjesinde, joǵary kiristi qarjy quraldarynyń úlesin 20%-dan 40%-ǵa deıin ulǵaıtýy esebinen qol jetkizildi. Sondaı-aq 2023 jyly Ulttyq qordyń quramynda balamaly quraldar portfeli qalyptastyryldy. Jańa qurylymǵa kóshý ınvestısııalaýdyń tıimdiligin jáne qordyń syrtqy naryq terbelisterine tózimdiligin arttyrýǵa múmkindik berdi», delingen UB málimdemesinde.
Qordyń valıýtalyq aktıvteri kóleminiń jalpy dınamıkasyna 2024 jyly 6,3 trln teńge mólsherinde qarajat alý operasııalary áser etti . Osylaısha, esepti kezeńde respýblıkalyq bıýdjetke tikeleı transfert 5,6 trln teńgege jetti. Qazaqstandyq emıtentterdiń qarjy quraldaryn satyp alýǵa taǵy 705 mlrd teńge bólindi: «Qazatomónerkásip» AQ aksııalary 467 mlrd teńge, ulttyq ınfraqurylymdyq jobalardy iske asyrý maqsatynda «Samuryq-Qazyna» oblıgasııalary 238 mlrd teńge kóleminde satyp alyndy.
Bul rette munaı sektorynan qorǵa túsetin túsimder 2024 jyly 3,8 trln teńgeni qurady.
