Foto: «Jolaýshylar tasymaly» AQ
Elektr poıyzy ár sársenbi jolǵa shyǵady. Astanadan saǵat 11:00-de shyǵyp, 13:35-te Býrabaı stansııasyna jetedi. Keri baǵytta poıyz 14:15-te jolǵa shyǵyp, 17:00-de Astanaǵa oralady.
«Jolaýshylar tasymaly» AQ málimetinshe, poıyz quramynda 4 vagon bar. Jolaýshylar úshin 1, 2 jáne 3-synyptaǵy qyzmet kórsetý túrleri qoljetimdi. Vagondarda kondısıonerler, aýa tazartý júıesi, bıoájethanalar, múmkindigi shekteýli jolaýshylarǵa arnalǵan arnaıy oryndar, yńǵaıly oryndyqtar, velosıped qoıatyn oryndar bar. Sondaı-aq Vputi.kz medıaportalyna qoljetimdi tegin Wi-Fi jelisi ornatylǵan.
Qala mańy baǵytyndaǵy jolaýshylar poıyzyna bıletterdi jóneltýge 10 kún qalǵanda satyp alýǵa bolady.
