Foto: ashyq derekkóz
Onyń aıtýynsha, onyń basty sebebi ınflıasııanyń údeı túsýi jáne ekonomıkanyń naqty múmkindikterinen ozyp ketken aqsha massasynyń artýy.
«Aqsha aınalymda kóbeıip barady, al ishki óndiris suranysty qanaǵattandyra almaı otyr. Saldarynan ınflıasııa ósip, shetelden keletin taýarlar baǵasy jaǵynan tıimdi bola bastaıdy. Halyq ımportty kóbirek tutynady, sáıkesinshe valıýtaǵa degen suranys artady. Biraq naryqta valıýta jetkiliksiz bolǵandyqtan, onyń baǵasy óse beredi», dep jazdy Chýkın Facebook paraqshasynda.
Sarapshy aldaǵy ýaqytta teńge baǵamy birtindep 540-560 deńgeıinde turaqtap, 2026 jyldyń sońyna qaraı 600 teńgege deıin jetýi múmkin dep otyr.
«Jazda sharyqtaý shegine jetkennen keıin, ádette teńge qys-kóktem aılarynda nyǵaıa túsedi. Biraq bastysy, uzaqmerzimdi trend. Ol ulttyq valıýtanyń ishki qunymen anyqtalady. Qazir sol qun túsip keledi. Bıylǵy ınflıasııa shamamen taǵy 11–12% bolady. Meniń baqylaýymsha, orta eseppen ınflıasııa 10%-ǵa ósse, teńge 4%-ǵa álsireıdi», deıdi ekonomıst.
