Balabaqshadaǵy jańa júıe

Bastapqyda Taraz, Shymkent jáne Túrkistanda qanatqaqty joba retinde iske qosylady dep josparlanǵan júıe Tarazda sátimen júzege asty deýge tolyq negiz bar. Júıeniń artyqshylyǵy – balany balabaqshaǵa tirkeý, joldama alý múmkindigi.

Ata-ana vaýcherlyq qarjylan­dyrý júıesine qosylý arqyly balabaqshany óz qalaýymen tańdaý múmkindigine ıe bolady. Bul óz kezeginde básekelestikti art­tyrady. О́ıtkeni jumys júıe­si kóńil kónshitpeıtin balabaq­shalar ózdiginen jabylady.

«Ilgeride uzyn-sonar kezekke turýdan qajyp júretinbiz. Odan ábden zárezap bolǵan soń, bala dúnıe dıdaryn kórgennen bastap kezekke jazyla bastadyq qoı. Ol jumystyń mashaqaty kóp edi. Tirkelý úshin túrli mekemeni jaǵalap, taban tozdyratynbyz. Qazir sol júıeniń túpkilikti jo­ıylyp jatqany kóńil qýantady.

Rasynda da vaýcher júıesi – ata-ana úshin tıimdi. Balany tirkeý bi­rer mınýt qana ýaqytyńdy ala­­dy. Máselen, tańǵy ýaqytta tir­ke­l­­seń, keshqurym vaýcherlyq beri­­ledi. Ýaqyttan utylmaı­syń», deıdi jańa jobanyń sharapatyn kór­gen ata-ananyń biri Araılym Ospanova.

Rasynda da bastapqyda Taraz­da ­bastaý alǵan joba jergilikti halyqtyń kóńilinen shyqqan sekildi. О́ıtkeni olar bilim bólimi sekildi mekemelerge aǵylyp, taban tozdyrmaıdy.

Indigo aqpa­rattyq júıesi arqyly bala­baqsha tańdaýdy júzege asyrady. Olar tizimde kórsetilgen bala­baqshanyń birin tańdaıdy. Shy­nynda da, jańa jobanyń jer­gilikti halyq úshin óte tıimdi ekenine eshkimniń talasy joq shyǵar. О́ıtkeni ata-analar ­vaýcher bolý arqyly jumystyń edeáýir jeńildegenin alǵa tartyp otyr.

Joǵaryda aıtqanymyzdaı, vaý­cher­lik qarjy­landyrý qanatqaqty joba retinde ótken jyly Ta­razda júzege asyryldy. De­rek­ke súıensek, munda 25 myń bala balabaqsha tabaldyry­ǵyn attaǵan. Bal­dyr­ǵandardyń mektepke deıingi bilimmen qamtamasyz etilýine qazynadan 18 mlrd teńge qarajat qarastyrylypty. Ata-ana bul qarjynyń maqsatty jum­salýyn da qadaǵalaı alady eken. Tek vaýcher retinde tirkelýge beriletin úsh múmkin­dikti ýystan shyǵaryp almasa bolǵany.

«Jańa joba iske asyrylǵaly balabaqshalar ata-ananyń tań­da­ýyna talasatyny belgili. Bul óz keze­ginde jumys sapasyn, ónimdiligin arttyrýǵa aıtar­lyq­taı sep bolady. Báseke bar jerde damýdyń bolaty­ny qalypty jaǵdaı ǵoı. Tár­bıe­shiler, pedagog mamandar ózderine kel­gen balalardy basqa balabaq­sha­ǵa jibermeý úshin tyrysady, janta­lasady. Sonyń arqasynda biliktili­gin udaıy jetildirip otyrady. Bul shyn máninde adal básekelestikti qa­lyptastyratyny anyq. Jańa joba buqara halyq úshin sonysymen de tıimdi bolyp otyrǵany daýsyz», deıdi «Tolaǵaı» balabaqshasynyń basshysy Gaýhar Kúzenbaeva.

Vaýcherlyq qarjylandyrý júıe­sine qosylǵan ata-ana óz múm­kindigine muqııat bolǵany abzal. Ol ózine tıesili úsh múm­kin­dikti ótkizip alsa, baza ony avtomatty túrde kezektiń sońy­na túsirip jiberedi eken. Jańa joba qolǵa alynǵaly Tarazdan keıin Shymkent, Oral jáne Astana qalalary vaýcher­lyq qarjy­landy­rý júıesine qosylyp úlgeripti. Atqa­rylǵan júıeli jumys nátıje­sinde balabaqsha kezegi 44 pa­ıyz­ǵa qysqarǵan kórinedi. 

Oqý-aǵartý mınıstrligi vaýcher­lyq qar­jy­landyrý júıe­si osy jyldyń so­ńy­na deıin elimiz­diń barlyq óńirin­­de iske qosy­latynyn rastap otyr. ­Qa­zir­­­ge deıin jańa joba oblystyq mańy­­zy bar 15 qalada jáne eki óńir­degi ­5 aýdanda júzege asyrylyp ja­tyr eken. Búgingi kúnge deıin 3 myń­nan astam mektepke deıingi uıymdy qamtyǵan júıe negizinde 230 myń­nan astam baldyrǵan balabaqshaǵa barǵan.

Jambyl oblysy