Is-sharanyń basty maqsaty – ult rýhanııatynyń temirqazyǵy bolǵan dara tulǵanyń baı murasyn nasıhattap, óskeleń urpaqqa shyǵarmalaryn keńinen tanystyrý.
Kesh barysynda hákimniń óleńderi oqylyp, Abaı atyndaǵy ortalyq kitaphananyń qyzmetkerleri uly aqynnyń «Qara sózderinen» úzindilerdi kópshilik nazaryna usyndy. Sonymen qatar, Abaı óleńderinen ánder shyrqaldy. «Taraz jastary» teatrynyń uly oıshyldyń ómirinen syr shertetin sahnalyq kórinisi de sharanyń shyraıyn ashty.
Ádebı kesh aıasynda «Abaı – uly tulǵa» atty keń kólemdegi kitap kórmesi uıymdastyryldy. Kórmege Abaı shyǵarmalary men aqyn jaıyndaǵy zertteý eńbekteri qoıylyp, kelýshiler tarapynan zor qyzyǵýshylyq týdyrdy.
Taraz
