Shveısarııamen seriktestik aıasy keńeıedi

Kezdesý barysynda áleý­met­tik saladaǵy yntymaqtastyqty damytý joldary qarastyryldy. Til saıasaty, bilim berý jáne ǵylym, týrızm, halyqaralyq mektepter men ýnıversıtetterdi damytý, quzyret ortalyqtaryn qurý isi negizgi taqyryp boldy. Ermek Kósherbaev Qazaqstan adamı kapıtaldy damytýǵa basymdyq berip otyrǵanyn jáne Shveısarııamen tájirıbe almasýǵa erekshe mán beretinin aıtty.

«Elimizdiń eń úlken baı­lyǵy – azamattarynyń bilimi men kásibı daǵdylary. Biz shveısarııalyq bilim berý júıesin joǵary baǵalaımyz jáne ondaǵy ozyq tájirıbeler bizdiń stýdentterge elimizde qol­jetimdi bolǵanyn qalaı­myz. Shveısarııada oqý qymbat bolǵan­dyqtan, halyqaralyq mektep­ter men álemdik deńgeıdegi baǵdar­lamalardy elimizde ashý – basty mindet. Ásirese kásibı-tehnıkalyq bilimge basymdyq berip otyrmyz. Orta býyn mamandar men tehnıkalyq kadrlardy daıarlaý – ekonomıkanyń damýyna tikeleı áser etedi. Jastarymyz suranysqa ıe mamandyqtardy álemdik deńgeıde meńgerýi tıis», dedi ol.

Kezdesýde taraptar kelesi baǵyttar boıynsha jumys isteý týraly kelisimge keldi:

• Qazaqstan men Shveısarııa ýnıver­sıtetteri arasynda akade­mııalyq almasý baǵdar­lamalaryn iske qosý;
• birlesken quzyret orta­lyqtary men ǵylymı-zertteý alańdaryn qurý;
• halyqaralyq mektepter­di damytý jáne muǵalimderdi shveısarııalyq standarttar bo­ıynsha daıarlaý;
• kásibı-tehnıkalyq bilim berý salasynda birlesken baǵdar­lamalardy engizý.

Farmasevtıka salasyna erekshe kóńil bólindi. Qazaqstan shveısarııalyq jetekshi kompanııalardy dári-dármek óndirisin lokalızasııalaýǵa jáne medısına men farmasevtıka mamandaryn daıarlaý baǵdarlamalaryna tartýǵa múddeli ekenin bildirdi.

Sonymen qatar týrızm baǵy­ty da nazardan tys qalmady. Eli­miz­de jańa týrıstik baǵyttar­dy damytýǵa, týrıstik qyzmet sapasyn kóterýge jáne ulttyq mádenı murany halyqaralyq deńgeıde ilgeriletýge Shveısarııa tájirıbesin qoldanýǵa nıetti. О́z kezeginde Shveısarııa elshisi Bal Salman óz eliniń seriktestikti nyǵaıtýǵa daıyn ekenin atap ótti.

«Shveısarııa Qazaqstanmen bilim, ǵylym, týrızm jáne farma­sevtıka salalaryndaǵy yntymaq­tastyqty keńeıtýge múddeli. Biz birlesken jobalarǵa, ýnıversı­te­tter, ǵylymı orta­lyqtar, far­masevtıkalyq kompanııalar men bıznes arasyndaǵy áriptestikke ashyqpyz. Ynty­maqtastyǵymyz adamı kapıtaldy damytýǵa jáne eki elge de paıda ákeletinine senim­dimin», dedi dıplomat.

Kezdesý qorytyndysy boıyn­sha taraptar birlesken jobalar­dyń josparyn pysyqtap, Shveı­sarııa kompanııalary men bilim berý uıymdarynyń ókilderimen aldaǵy kelissózderge usynystar ázirleýge ýaǵdalasty.