Reıd barysy bylaı bolǵan: jergilikti ýchaskelik ınspektor Meıirbek Nurgeldın men polısııa bólimi bastyǵynyń orynbasary Serik Beketbaev «Áýlıekól – Dıev» tasjolynda tirkemesi bar KAMAZ-dy toqtatady. Tekseris barysynda júk qujattary durys bolmaǵan. Oǵan qosa, júrgizýshi astyqtyń qaıdan alynǵanyn jáne qaıda apara jatqanyn da naqty ashyp aıta almaǵan.
Júk kóligi polısııa bólimine jetkizilgen soń, bıdaıdyń «Dıev agrofırmasy» aýmaǵynan urlanǵany anyqtaldy. Keıinirek Amanqaraǵaı aýylynda jalǵa alynǵan qoımadan úsh kún buryn urlanǵan bıdaı tabyldy. Urlanǵan astyqtyń jalpy kólemi 54 tonna bolady. Sharýashylyqqa keltirilgen zalaldyń mólsheri shamamen 6,5 mıllıon teńgege baǵalanǵan.
Oblystyq PD aldyn ala sóz baılasqan birneshe adam jasaǵan urlyq faktisi boıynsha qylmystyq is qozǵady. Polısııa málimetinshe, urylardyń ishinde sharýashylyq qyzmetkeri men Novoselov aýylynyń turǵyny da bar. Tergeý jumysyna aýdan prkýratýrasy da atsalysyp jatyr.
«Dıev agrofırmasy» JShS-nyń atqarýshy dırektory Oleg Danılenkonyń aıtýynsha, urlyqqa basqa qyzmetkerlerdiń de qatysy bolýy múmkin. Sharýashylyq basshysy bolashaqta mundaı jaǵdaılardy boldyrmaý úshin kásiporynda beınebaqylaý kameralaryn ornatý, kólikti baqylaý júıesin jetildirý jáne qyzmetkerlermen qylmystyń aldyn alý maqsatynda áńgime júrgizý tárizdi qaýipsizdik sharalaryn kúsheıtýdi josparlap otyr.
Qostanaı oblysy
