Sonyń biri – Talǵar aýdany Qyzylqaırat aýylynda ornalasqan «Psıhonevrologııalyq aýrýlardy jáne tirek-qımyl apparaty buzylystary bar balalarǵa arnalǵan «Aqjol-M» ońaltý ortalyǵy». Iske qosylǵanyna on jylǵa jýyqtaǵan ortalyqqa 2023 jyly «Qazaqstan halqyna» qory 942 mln teńge qarjy qarastyryp, zamanaýı ozyq úlgidegi jabdyqtar satyp alyp berdi. Sonyń arqasynda naýqasqa daýa bolatyn sońǵy úlgidegi kabınetter sany artty. Nátıjesinde, búginde ortalyq 1 jastan 18 jasqa deıingi 350-ge jýyq naýqas balaǵa tıimdi kómek kórsetip jatyr.
«Balam qazir 18 jasta. Talmasy ustap qalady. Dáretke de durys otyra almaı, jaıalyqpen júrýge májbúr. Osy ortalyqqa kelip, em alǵaly beri táýir bolyp qaldy. Balalardy aıaǵynan turǵyzýyna sep bolyp jatqan qaıyrymdy, meıirimdi jandarǵa alǵysymyzdy bildiremiz», deıdi naýqas balanyń anasy Láılá Tuǵylbaeva.
Zamanaýı qurylǵylarmen jabdyqtalǵan ortalyqta bilikti mamandar jumys isteıdi.
«DSP balalardy qabyldaımyz. Munda dáriger taǵaıyndaǵan dıagnozyna qaraı 20–40 mınýt jatady. Em alǵan balalar on kún saıyn demalady. Qazirde synaq jasap, aýtızm balalardy da uıqysyn qalpyna keltirý, ózin psıhologııalyq tynyshtandyrý maqsatynda alyp jatyrmyz. Qurǵaq vannaǵa jatqan kezde býyndarǵa salmaq túspeıdi ári býyndar bosaıdy. Odan shyǵyp emdeý-saýyqtyrý kabınetine barady. Munda býyndardy ustatýǵa múmkindik bolady», deıdi júzý jónindegi nusqaýshy Dýman Sádýaqas.
Belbulaq aýylynda 14 pen 29 jas aralyǵyndaǵy múgedektigi bar azamattardy ınnovasııalyq protezdik-ortopedııalyq buıymdarmen qamtamasyz etý ortalyǵy ornalasqan. Mekeme «Medicare International» JShS dep atalady. Munda jylyna 2 myńǵa jýyq protez shyǵarylady. Bul ortalyq ta atalǵan qordyń qamqorlyǵyn kórip otyr. 2023 jyldan beri 196 adamǵa 213 ınnovasııalyq protez tartý etken. О́nimniń jalpy quny 1 mlrd 400 mln teńgeni quraıdy. Onyń ishinde Almaty oblysynda 144 mln teńge ıgerilip, 22 azamat ıgiligin kórgen. Sonyń biri 29 jastaǵy Erjigit Muqamedııa. Osy ortalyqta jumys isteıtin ol ózine yńǵaıly ári jaıly protez jasatyp alǵanyna rızashylyǵyn bildirdi.
«Qor Memleket basshysynyń bastamasymen 2022 jyly ashyldy. Sodan beri qaıyrymdylyq jobalary densaýlyq saqtaý, bilim berý, sondaı-aq áleýmettik qoldaý salalarynda júzege asyrylyp keledi», dedi QHQ aǵa joba menedjeri Dınara Nurqasymova.
Sondaı-aq «Qazaqstan halqyna» qory 2022–2025 jyldar aralyǵynda Almaty qalasynda da jalpy somasy 21,6 mlrd teńgege 20 qaıyrymdylyq joba men baǵdarlamany júzege asyrdy.
Almaty oblysy
