Keıipkerimizdiń aıtýynsha, avtorlyq balmuzdaq – ulttyq dám men zamanaýı aspazdyq tehnologııany ushtastyrǵan erekshe ónim. Qazirgi tańda onyń oılap tapqan balmuzdaǵyna suranys ta joǵary.
«Osy balmuzdaqty jasap júrgenime 5 jyldaı ýaqyt boldy. Bárimiz de balmuzdaqty jaqsy kóremiz, ásirese balalar men jastar kún saıyn jeıdi desek bolady. Jurt jıi tutynatyn ónimdi taza tabıǵı, ulttyq dámnen nege jasamasqa degen oı keldi. Solaı irimshikten jasap, patentin aldym. 2023 jyly stýdentim Uldana Sarsanmen birge «Jibek joly» atty halyqaralyq týrnırge qatysyp, avtorlyq balmuzdaǵymyzdy baýyrsaqtyń janyna ásemdep qoıyp usyndyq. Ár elden kelgen tóreshiler ónimniń dámin qatty unatyp, jarystan birinshi oryn aldyq. Aqtaý qalasynda irimshikten jasalǵan balmuzdaqty alǵysy keletinder kóp. Ásirese meıramhana men dámhanalar jıi tapsyrys beredi. Balmuzdaqty ózim ázirleımin. Ulttyq brend aspazdyq ónerde de keńinen qoldanylsa, qazaq ashanasyn shetelge tanytýǵa múmkindik bar», deıdi E.Farabbaıuly.
Ideıa avtory – qazir qyzmet etip jatqan kolledjdiń túlegi. Búginde stýdentterge ulttyq taǵamdardy jańasha ázirleýdiń jolyn kórsetip júr.
