Jóndeý barysynda jol boıyndaǵy aýyldarda jaryqtandyrý shamdary ornatylyp, baǵyttaýshy belgiler jańartyldy. Sondaı-aq kólikterdiń shamadan tys júk tasymaldaýynyń aldyn alý úshin joldyń 50 jáne 7-shaqyrymdarynda avtomattandyrylǵan salmaq ólsheý júıeleri ornatyldy.
«Qazavtojol» Jetisý oblystyq fılıalynyń ókili Jasulan Qaltaevtyń aıtýynsha, aýyr júk kólikteriniń qozǵalysyna arnalǵan bólek tehnologııalyq jol salynǵan. Bul júıe jol qaýipsizdigin arttyrýǵa múmkindik beredi.
Budan bólek, Qoıbyn shatqalyndaǵy Kómbe ózeni ústinen jańa kólik kópiri salynyp, Saryózek, Qońyróleń jáne Aqjazyq aýyldarynyń mańyna elektr jaryǵy men jaıaý júrginshiler joldary júrgizildi.
Jergilikti turǵyndar joldyń sapasyna joǵary baǵa berip otyr.
– Buryn kólikter jıi buzylatyn, qazir jol tegis ári qaýipsiz. Keshki ýaqytta da jaryq jaqsy, jaıaý júrý yńǵaıly, – deıdi Qońyróleń aýylynyń turǵyny Baqyt Tashtahmetova.
Aıta ketsek, sońǵy úsh jylda Jetisý oblysynyń Kerbulaq jáne Panfılov aýdandarynda respýblıkalyq mańyzy bar 241 shaqyrym jol jóndelgen.
