Kollajdy jasaǵan – Qonysbaı ShEJIMBAI, «EQ»
Edil Asylbek atty avtor «Mereıli meken» atty kitabyn syılaǵanda, mynadaı qoltańba beripti:
«Jaratylǵan jiger menen namystan,
Ataq-dańq izdemegen jarystan.
Túrkistannyń abyroıyn tý etip,
Ata-jurttyń bedeli úshin alysqan.
Árbir kúniń qandastarmen tabysqan,
Kem bolmassyń jeńis bergen saıystan.
... ol jaq, bul jaq, aman-esen jeteıik,
Bolǵan kezde Qazaq eli – Baqstan».
Avtordyń qoly
Semeı, 22.02.1993
* * *
Kelesi bir qoltańba ıesi – aqyn Núkesh Bádiǵulov. Ol Mustafa О́ztúrikke 1989 jyly «Jazýshy» baspasynan shyqqan «Appaq dúnıe» atty jyr jınaǵyn usynyp:
«Mustafa inime,
Batyrsyń álem bas urǵan,
Qazaqtyń dańqyn asyrǵan.
Baqyttyń qoly sıpasyn,
Árqashan seniń basyńnan»,
degen aqjarma tilegin arnapty.
* * *
«Ahmet Iаsaýı sáýlet ǵımaraty» atty kitapta mynadaı jyly lebiz taǵy da Mustafa О́ztúrikke arnalypty.
«Almaty, 1990, 03,01
Asa qurmetti Mustafa!
Qazaq jerine kelip, ata-baba arýaǵyna bas ıip, eske túsirgen kúnderiń bizdiń janymyzdy tebirentti. Týǵan jerim Túrkistan shahary jaıly, kıeli meshit Áziret Sultan týraly kitap sizge tartýym bolsyn.
Kınorejısser bolyp qyzmet qylatyn qurdasyń Tilegen».
Budan ózge «Halyq ánderi men halyq kompozıtorlarynyń ánderi» atty kitapta da sport sheberine degen izgi tilek jazylypty.
