foto: REUTERS/Eloisa Lopez
«Kalmaegı» taıfýny bıylǵy jyly aımaqta tirkelgen eń joıqyn daýyldardyń biri boldy.
Apattan zardap shekken aımaqtardy zertteý kezinde áskerı tikushaq apatqa ushyrap, alty adam qaza tapty. Qalǵan adamdar sý tasqyny, qulaǵan aǵashtar men ǵımarat qırandylarynyń astynda qalǵan. 430 myńnan astam adam úılerin tastap ketýge májbúr bolǵan.
Stıhııa eldiń úsh iri aral toby – Lýson, Vısaıas jáne Mındanao aımaqtaryndaǵy 24 provınsııany qamtydy. Kóptegen óńirde jaryq óship, ondaǵan áýe reısi toqtatylǵan.
5 qarashada soqqan taıfýn qatty jelmen, nóser jańbyrmen jáne birneshe metrlik tolqyndarmen birge kelgen. Fılıppınniń meteorologııalyq qyzmetiniń (Pagasa) habarlaýynsha, daýyldyń kúshi azaıǵanymen, jeldiń ekpini áli de saǵatyna 180 km-ge deıin jetip otyr.
Kóptegen eldi mekenderde kósheler sý astynda qalǵan, kólikterdi sý aǵyzyp áketken nemese aýdaryp tastaǵan. Turǵyndar aman qalý úshin úılerdiń shatyrlaryna kóterilgen.
Meteorologtardyń dereginshe, «Kalmaegı» (Fılıppınde ony «Tıno» dep ataıdy) jeti ret qurlyqqa soqqan, sońǵy ret – tańǵy ýaqytta Palavan provınsııasyndaǵy El-Nıdo qalasynda. Boljam boıynsha, taıfýn sársenbi nemese beısenbi kúni el aýmaǵynan shyǵyp, Vetnam baǵytyna qaraı bet alady. Taılandtyń soltústik aımaqtarynda demalys kúnderi qatty jańbyr kútiledi.
Meteorologtar dereginshe, Fılıppınge jańa tropıkalyq sıklon jaqyndap keledi. Ol juma nemese senbi kúni qurlyqqa jetip, demalys kúnderi sýpertaıfýnǵa – jeldiń jyldamdyǵy saǵatyna 240 km-den asatyn asa qýatty daýylǵa aınalýy múmkin.
Fılıppın jyl saıyn shamamen 20 taıfýnnyń áserine ushyraıdy. Eń joıqyndarynyń biri – 2013 jylǵy qarashada 6300-den astam adamnyń ómirin qıǵan «Haııan» taıfýny bolǵan.
