Is-shara barysynda túrki halyqtarynyń mádenı murasyna arnalǵan jáne túrki memleketteri Basshylary bekitken «Túrki áleminiń keleshegi – 2040» jáne «TURKTIME» strategııalyq qujattaryna sáıkes daıyndalǵan «Túrki áleminiń mádenı kody» atty túrki áleminiń mádenı murasynyń Katalogy, sondaı-aq О́zbekstan Respýblıkasy Prezıdenti Shavkat Mırzııoevtiń tapsyrmasymen jáne túrki elderi Basshylarynyń qoldaýymen júzege asqan kóptildi, kóptomdyq «Túrki folklorlyq murasy» Antologııasy tanystyryldy.
Is-sharanyń jalǵasy retinde 2025 jylǵy 3 qarashada IýNESKO-nyń 43-sessııasynda qabyldanǵan sheshimge sáıkes «15 jeltoqsan – Dúnıejúzilik túrki tili tobynyń kúni» (World Turkic Language Family Day) bolyp jarııalanýyna arnalǵan jıyn ótti.
Túrki mádenıeti jáne murasy qorynyń Prezıdenti Aqtoty Raıymqulova saltanatty rásimdi ashyp, IýNESKO men О́zbekstan Respýblıkasyna is-sharany joǵary deńgeıde uıymdastyrylýyna kórsetken qoldaýy men qonaqjaılylyǵy úshin alǵysyn bildirdi.
Aqtoty Raıymqulova Qor shyǵarǵan «Túrki áleminiń mádenı kody» túrki áleminiń mádenı murasy Katalogy men kóptildi, kóptomdyq «Túrki folklorlyq murasy» Antologııasy jaıly baıandap, osy jobalardy júzege asyrýǵa úles qosqan mamandardy, ǵalymdardy jáne Konsýltatıvtik komıtet múshelerin shyn júrekten quttyqtap, olardyń eńbegi men adaldyǵy úshin rızashylyǵyn bildirdi.
«Túrki áleminiń mádenı kody» jobasynyń kýratory Rýstam Mýzafarov pen «Túrki folklorlyq murasy» Antologııasyn ázirleýge qatysqan О́zbekstannyń belgili ǵalymy Jabbor Eshenqulov ta sóz sóılep, usynylǵan eńbekterdiń mańyzyn atap ótip, Qordyń túrki áleminiń mádenı murasyn saqtaý jolyndaǵy qajyrly eńbegin joǵary baǵalady.
Qurmetti qonaqtardyń qatarynda Qyrǵyz Respýblıkasy Prezıdentiniń keńesshisi Arslan Koıchıev, Túrkııa Respýblıkasynyń Ádilet jáne damý partııasy tóraǵasynyń orynbasary, professor Kúrshad Zorly, О́zbekstan Ǵylym akademııasynyń vıse-prezıdenti, professor Bahrom Abdýhalımov boldy. Olar bul tarıhı sheshimniń túrki tilderiniń baılyǵyn halyqaralyq deńgeıde moıyndatýǵa yqpal etetinin jáne Qordyń bul baǵytta atqarǵan eńbekterin joǵary baǵalady.
Is-sharada Ázerbaıjan Respýblıkasynyń IýNESKO janyndaǵy turaqty ókili, elshi Elman Abdýllaev, Qazaqstan Respýblıkasynyń Ǵylym jáne joǵary bilim vıse-mınıstri Talǵat Eshenqulov, Túrikmenstannyń Fransııadaǵy elshisi jáne IýNESKO janyndaǵy turaqty ókili Maqsat Charıev, sondaı-aq Vengrııanyń IýNESKO janyndaǵy turaqty ókiliniń orynbasary Kınga Sımon sóz sóıledi.
Sonymen qatar Qazaqstan Respýblıkasynyń IýNESKO janyndaǵy turaqty ókili Asqar Abdrahmanov, Qyrǵyz Respýblıkasynyń Fransııadaǵy elshisi jáne IýNESKO janyndaǵy turaqty ókili Sadyq Sher-Nııaz, Túrkııa Respýblıkasynyń IýNESKO janyndaǵy turaqty ókili Gúlnur Aıbet, О́zbekstan Respýblıkasynyń IýNESKO janyndaǵy turaqty ókili Kamol Mýhtarov, sondaı-aq Túrkııa IýNESKO isteri jónindegi ulttyq komıssııasynyń tóraǵasy, professor Ojal Oǵýz belsendi qatysty.
Is-sharaǵa Belgııa, Ekvador, Fransııa, Latvııa, Oman, Katar, Venesýela jáne Chehııanyń IýNESKO janyndaǵy Turaqty ókildikteri, О́zbekstandaǵy akkredıttelgen dıplomatııalyq korpýs pen halyqaralyq uıymdar músheleri, tanymal ǵalymdar, mádenıet ınstıtýttarynyń ókilderi, túrki mádenıeti men murasyna qyzyǵýshylyq tanytqan sheteldik qonaqtar jáne BAQ ókilderi qatysty.
Saltanatty rásim etno-folklorlyq «TURAN» ansambli solısteriniń jarqyn óner kórsetýimen jalǵasty. Túrki mádenıeti jáne murasy elshileri sanalatyn toptyń óneri qatysýshylardyń zor yqylasyna bólenip, uzaq qoshemetke ıe boldy.
