Banktiń qatysý úlesi bastamalarǵa qatysty 2,6 trln teńgege jetýi múmkin. Bular el ishindegi jalpy somasy 6,9 trln teńgege joǵary tehnologııalyq qaıta óńdeý úlesin arttyratyn bolashaq metallýrgııalyq jáne agroónerkásiptik klasterler.
Bank Pavlodar oblysynda metallýrgııalyq klasterdiń birinshi kezegin iske asyrýdy maquldady. Endi Ekibastuzda "Mineral Product International" JShS qýattylyǵy jylyna 80 000 tonna ferroqorytpa zaýytyn salmaq. Onyń iske qosylýy Qazaqstannyń ishki qaıta óńdeý jáne eksporttyq áleýetin arttyrady. 527 turaqty jáne 1000-nan astam ýaqytsha jumys orny ashylady.
Saraptamanyń úshinshi kezeńi Qaraǵandy oblysynda №8-9 (jylyna 2,45 mln tonna koks) jańa koks batareıalary men tabıǵı gaz qubyryn salatyn "Qarmet" AQ keshendi jańǵyrtý jobasynan ótýde. Joba ishki metallýrgııany ózimiz óndirgen kokspen qamtamasyz etip, ımportty qysqartýǵa jáne óndiristik qýatty arttyrýǵa múmkindik beredi.
Qujattardy jınaýdyń ekinshi kezeńinde Qostanaı oblysynda jobalyq qýaty jylyna 2 mln tonna bolatyn "QazIron" AQ (ERG) ystyq brıketti temir (YBT) óndirý zaýytynyń jobasy tur. Ol álemdik naryqta suranysqa ıe domensiz, "jasyl" metallýrgııa úshin premıým shıkizat shyǵaryp, 3000-ǵa jýyq mamanǵa jumys beredi.
Qarjylandyrý úshin qujat jınaýdyń birinshi kezeńi qazir Abaı oblysynda qýaty jylyna 300 myń tonna mys bolatyn "KAZ Minerals Smelting" JShS mys balqytý zaýytynyń jobasy boıynsha júrgizilýde. Kásiporynda myńdaǵan turaqty jumys orny ashylyp, joǵary eksporttyq áleýeti bar daıyn mys qorytpasy ónerkásiptik óndirisine kóshýge múmkindik beredi.
Astanada qaryz alýshynyń óz qarajaty esebinen "Kazak Protein" JShS bıdaı men burshaqty tereń óńdeý boıynsha ıntegrasııalanǵan agroónerkásiptik keshenniń qurylysy bastaldy. QDB-da bul joba saraptamanyń úshinshi kezeńinde. Kásiporyn tiri bıdaı glıýtenin jáne modıfıkasııalanǵan bıdaı krahmalyn shyǵarady. Bolashaqta Qostanaı oblysyndaǵy Qostanai Grain Industry jobasymen birlesip, kásiporyndar astyqty tereńdete óńdeýdiń jáne el úshin strategııalyq mańyzdy ımporttyq ıngredıentterdi almastyrýdyń negizine aınalmaq. Sonymen qatar qosylǵan quny joǵary qazaqstandyq tereńdetilgen eksporttyq ónim jelisin kóbeıtedi.
QDB men onyń enshiles uıymy О́DQ qarjylandyrýynyń arqasynda qýattylyǵy jylyna 120 myń avtomobılge deıin jetetin Astana Motors Manufacturing Kazakhstan mýltıbrendtik zaýytyn salý jobasy rekordtyq merzimde aıaqtaldy. Bul óz alańynda birden úsh jetekshi qytaı brendiniń óndirisin biriktirgen álemdegi alǵashqy kásiporyn: Chery, Changan jáne Great Wall Motor (Haval jáne Tank).
Barlyq jobalar qatań irikteý krıterııine jaýap beredi. Onyń quny keminde 100 mlrd teńge, ónimdi qaıta bólýdiń ortasha jáne joǵary deńgeıi, strategııalyq mańyzdylyǵy, eksportqa jáne ımportty almastyrýǵa baǵdarlanýy esepke alynady.
