Foto: Ashyq derekkóz
«Biz Farer araldarymen bolatyn kezdesýdi Belgııaǵa qarsy oıynǵa daıyndyq kezinde josparǵa engizdik. Endi jattyǵyp, demalamyz. Biz buǵan deıin rotasııa bolatynyn aıtqanbyz jáne Farer araldary quramasynyń sońǵy úsh oıynda jaqsy óner kórsetkenin túsinemiz. Olar Chernogorııa men Chehııany jeńip, Horvatııadan 1:3 esebimen jeńilip qaldy. Biraq birinshi taımda teń túsip, jaqsy oıyn kórsetti. Biz aldymyzǵa maqsat qoıyp, daıyndalyp jatyrmyz», dedi Baısýfınov.
Ol ulttyq quramanyń basty maqsaty – jeńiske umtylý ekenin atap ótti. Biraq oıyn tártibi men turaqtylyqty saqtaı bilý mańyzdy ekenin tilge tıek etti.
«Árıne, oıyn turaqtylyǵyn saqtaı alsaq nátıjege jetemiz. Bul jattyǵý kezinde de, oıyn josparyn daıyndaýda da óte mańyzdy. Jigitterdiń bári túsinip otyr, bári durys bolady dep oılaımyn», dedi Talǵat Baısýfınov
