Senatorlar qujat makroekonomıkalyq turaqtylyqty saqtaý jáne bıýdjet shyǵyndaryn rasıonaldy paıdalaný maqsatynda ázirlengenin atap ótti. Depýtattar keıbir baptarǵa kelispeı, ózgerister men qosymshalar engizýdi usyndy.
Sonyń ishinde qarastyrylǵan qarajattar:
-
Jylý júıesin damytýǵa – 37,9 mlrd teńge, onyń ishinde 2026 jylǵa – 9,8 mlrd teńge;
-
Jylý jáne elektroenergetıkany damytýǵa – jalpy 7,7 mlrd teńge, 2026 jylǵa – 4,7 mlrd teńge;
-
Sý resýrstaryna – jalpy 8,9 mlrd teńge, 2026 jylǵa – 2,3 mlrd teńge;
-
Gaz tasymaldaý júıesin damytýǵa 2026 jyly – 5,5 mlrd teńge;
-
Jaǵalaý bekitý jumystaryna 2026 jyly – 2,2 mlrd teńge;
-
О́nerkásip salalaryn damytýǵa 2026 jyly – 1,5 mlrd teńge.
«Zańdy talqylaý barysynda turaqty komıtetter men depýtattardan 77 usynys tústi, olardyń 76-syn qoldap, salystyrmaly kestege engizdik. Úshjyldyq kezeńge qosymsha qarajattyń jalpy somasy – 91 mlrd teńge, onyń ishinde 2026 jylǵa – 50 mlrd teńge. Shyǵyndardyń ósýi Úkimet rezervi men qaryzdy qyzmet kórsetý esebinen júzege asyrylady», dedi senator Sultanbek Makejanov.
Sonymen qatar, Senat «2026–2028 jyldarǵa respýblıkalyq jáne oblystyq bıýdjetter, respýblıkalyq mańyzy bar qalalar men astana arasyndaǵy jalpy transfert kólemderi týraly» zańnyń jeke baptaryn maquldaǵan joq. Depýtattar áleýmettik, ınjenerlik jáne kólik ınfraqurylymyn damytýǵa, bastalǵan jáne jalǵasyp jatqan jobalardy aıaqtaýǵa transfertter kólemin 17,5 mlrd teńgege ulǵaıtýdy usyndy.
