ALMATY. 24 maýsym. Ál-Farabı atyndaǵy Qazaq ulttyq ýnıversıteti jýrnalıstıka fakýltetiniń dekany Saǵatbek Medeýbekuly bastaǵan oqytýshylar toby «Egemen Qazaqstan» gazetiniń Almaty bólimshesinde boldy. Bul týraly egemen.kz habarlady.
Baılanys jáne aqparat qyzmetkerleri merekesi kúni qarsańynda fakýltet ustazdary el gazeti – «Egemenniń» Almaty redaksııasyna arnaıy at basyn burypty. Jyly shyraıly júzdesý barysynda ustazdar toby elimizdiń bas basylymymen baılanysty burynǵydan da nyǵaıta otyryp, redaksııaǵa tájirıbeden ótý úshin stýdentter jiberý jaıyn keńinen áńgimeledi. Gazettiń ınternet-redaksııasynyń turaqty oqyrmandarynyń stýdentter arasynda kóbeıgenin eskerip, fakýltet pen bólimshe ózara bolashaq shyǵarmashylyq jospar quryp, joba jasady.
Áńgime arasynda redaksııa ujymynda osy fakýltetti bitirgen keshegi stýdentter qyzmet etetinin eske salǵan Saǵatbek Medeýbekuly egemendik áriptesterine kelip qalǵan tól merekesine oraı shyǵarmashylyq tabys tilep, fakýltet atynan arnaıy marapat qaǵazyn syılady. Onda «Táýelsiz memleketimizdiń qymbat qazynasy – adamnyń ómiri men erkindigi, ultaralyq tatýlyq pen saıası turaqtylyq, qaryshty ekonomıka men qazaqstandyq patrıotızm jáne halyqaralyq yntymaqtastyqty nasıhattaýda orasan zor eńbek sińirip kelesizder. О́zderińiz túlep ushqan jýrnalıstıka fakýlteti sizderdi keıingi tolqynǵa únemi úlgi» etedi dep jazylǵan. Sondaı-aq, Almaty bólimshesine ardager jýrnalıst-pedagog Ábilfaıyz Ydyrysovtyń «О́negeli ómir» serııasynan shyqqan kitaby syıǵa berildi.
О́z tarapynan «Egemen Qazaqstan» redaksııasy Almaty bólimshesiniń jetekshisi Qorǵanbek Amanjol jýrfaktan kelgen delegasııa múshelerine alǵys aıtty.
Talǵat Súıinbaı.
Derkk, sýret: egemen.kz.
