Foto: Ashyq derekkózden
Astana qalasy ákimdiginiń málimetinshe, qazir Astanadaǵy barlyq emhana, onyń ishinde balalarǵa arnalǵan fıltrlik kabınetterde jumys tártibi kúsheıtilgen rejımge kóshken. Onda júginýshiler qatary kún saıyn qalyńdap keledi.
Osyǵan baılanysty №3 kópbeıindi qalalyq Balalar aýrýhanasynyń bólim meńgerýshisi Abaıhaıdar Talantuly balada aýrý belgileri baıqalsa qandaı áreket jasaý kerek ekenin aıtyp berdi.
Dárigerdiń aıtýynsha, balalar aýyrsa, aldymen tez arada fıltrlik kabınetke júginý kerek. Sebebi aýrýdyń alǵashqy belgilerine beı-jaı qaraý, úıde uzaq emdeý aýrýdy asqyndyrýy yqtımal.
«Ata-analar, kóbine dene qyzýyn túsiretin dárilerdi durys mólsherde bermeıdi. Mundaı dáriler balanyń jasyna jáne salmaǵyna sáıkes eseptelýi qajet. Dozanyń kóp nemese az bolýy aǵzaǵa qosymsha salmaq túsiredi. Dáriler ár alty saǵat saıyn ǵana berilýi tıis. Al temperatýrany 38,5°-qa jetkende ǵana túsirý kerek. Oǵan deıin aǵza vırýspen ózdiginen kúresedi. Tek tyrysý sındromy bar balalarda bul kórsetkish 37,5°-tan aspaýy tıis. Atalǵan toptaǵy balalar erekshe baqylaýdy qajet etedi», dedi Abaıhaıdar Talantuly.
№3 kópbeıindi qalalyq Balalar aýrýhanasynyń bólim meńgerýshisi Astanadaǵy JRVI ahýaly baqylaýda bolǵanymen, qaýip tolyq seıilmegenin de eskertti.
