Ekonomıka • 26 Qarasha, 2025

BAÁ ımporttaýshylary tizimine taǵy tórt otandyq kásiporyn engizildi

20 ret

kórsetildi

1 mın

oqý úshin

Aýyl sharýashylyǵy mınıstrligine qarasty Veterınarııalyq baqylaý jáne qadaǵalaý komıtetiniń júıeli sharalary nátıjesinde bıyl taǵy 4 kásiporyn resmı túrde Birikken Arab Ámirlikteri (BAÁ) ımporttaýshylarynyń tizimine engizildi, dep habarlaıdy Egemen.kz.

Shyńǵys MUQAEV

BAÁ ımporttaýshylary tizimine taǵy tórt otandyq kásiporyn engizildi

Foto: Aýyl sharýashylyǵy mınıstrligi

Qorshaǵan orta jáne klımat ózgerisi mınıstrligi janyndaǵy BAÁ Taǵam qaýipsizdigi agenttiginiń basshysy Abdýlla Djanaannyń resmı sapary sheńberinde Komıtet ókilderimen jumys kezdesýi ótip, taraptar ózara yntymaqtastyqtyń ózekti máselelerin, eksporttyq jetkizilimderdi arttyrý múmkindikterin jáne azyq-túlik qaýipsizdigin baqylaý salasyndaǵy ózara is-qımyldy tereńdetý bolashaǵyn talqylady.

Aýyl sharýashylyǵy mınıstrliginiń málimetinshe, 2020 jyldan beri tizilimde bar jáne BAÁ-ge sıyr eti ónimderiniń negizgi jetkizýshileriniń biri sanalatyn KAZBEEF kásipornyna da barǵan delegasııa – kásiporynda engizilgen qaýipsizdik, sapa jáne ónimniń qadaǵalanýy standarttaryna joǵary baǵa berip, yntymaqtastyqty keńeıtýdiń áleýeti zor ekenin atap ótti.

Jalpy, búginde mal ónimderin óndirý jáne eksporttaýmen aınalysatyn 14 otandyq kompanııa BAÁ ımporttaýshylarynyń tizimine engizilgen.