Zań • 28 Qarasha, 2025

Zeınetkerdiń 13 mln teńgesin alyp ketken erli-zaıypty alaıaqtar ustaldy

40 ret

kórsetildi

1 mın

oqý úshin

Petropavlda erli-zaıypty 79 jastaǵy qala turǵynynyń 13 mıllıon teńgesin qoldy etti. Olar zeınetkerge qyzynyń jol-kólik oqıǵasyna kináli ekenin, isti jabý úshin qomaqty qarjy qajet ekenin aıtqan. Aıtylǵan málimettiń ras-ótirigin teksermegen petropavldyq qarjyny kýrer-dropperlerdiń qolyna ustatqan, dep jazady Egemen.kz.

Dana MYRZAQADIR

Zeınetkerdiń 13 mln teńgesin alyp ketken erli-zaıypty alaıaqtar ustaldy

Foto: kyn.kz

Birshama ýaqyttan keıin aldanǵanyn túsingen qart quzyrly organdarǵa aryz túsirgen. Jedel iske kirisken polıseıler beınebaqylaý kameralary arqyly erli-zaıyptylardyń jeke basyn anyqtady.

Osylaısha kúdiktiler 25 qarashada oqıǵa bolǵan ýaqyttan úsh kún ótken soń ustaldy. Tergeý barysynda olardyń Petropavl qalasynda turatyny belgili boldy. Kýrer-dropperlerdi Kókshetaýdaǵy nusqaýshylar jumsap, alynǵan qarjyny óz esep shottaryna aýdartqan.

IIM mamandary erli-zaıyptylardyń osy sıpattaǵy taǵy bir iske qatysy baryn, ol oqıǵa boıynsha jábirlenýshilerdiń 1,5 mln teńge somasyndaǵy qarjysyna zalal keltirgenin anyqtady.

Qazir alaıaqtyqqa baılanysty sotqa deıingi tergep-tekserý isi bastalǵan.