Balalar men jasóspirimderdi kitap oqýǵa baýlý, nasıhattaý, oqyrman talǵamyn qalyptastyrý maqsatynda uıymdastyrylǵan jármeńkege Túrkııa, О́zbekstan, Mońǵolııa, Ázerbaıjan, Qyrǵyzstan, Saha Respýblıkasy (Iаkýtııa), Reseı elderinen kitap saýdasy, ǵylymı-bilim berý jáne polıgrafııalyq ónimderin usynǵan 50-ge jýyq baspa uıymy qatysty. Kitap kórme-jármeńkesiniń ashylý saltanatyna Túrkistan oblysy ákiminiń orynbasary Ertaı Altaev, TÚRKSOI uıymynyń bas hatshysy Sultan Raev, Ázerbaıjan baspalar birlestigi dırektorlar keńesiniń tóraǵasy Shámil Sadyq, aqyn, Túrki dúnıesi Jazýshylar odaǵynyń tóraǵasy Ulyqbek Esdáýlet qatysty.
El Prezıdenti Qasym-Jomart Toqaev Ulttyq quryltaıdyń úshinshi otyrysynda: «Shyn máninde ozyq oıly ult bolýdyń eń tóte joly – kitap oqý. Sondyqtan kitap oqý mádenıetin qoǵamda barynsha ornyqtyrýymyz kerek», dep osy baǵyttaǵy jumystardy ilgeriletýdi tapsyrǵan bolatyn. Osy baǵytta óńirdegi 388 kitaphana bıyldyń ózinde 380 myńǵa jýyq oqyrmanǵa qyzmet kórsetti. Jyl basynan beri 31 myńnan astam jańa kitap alynyp, jalpy kitap qory 6 mıllıonnan asqanyn rastaıdy derekter.
«Turkestan Book Fair» kitap kórme-jármeńkesi úsh kúndik mádenı-iskerlik baǵdarlamany qamtydy. Kórme aıasynda jańa kitaptardyń tusaýkeseri, avtormen kezdesý, avtograf-sessııalar, balalar alańynda arnaıy sheberlik saǵattary ótkizildi. Atap aıtar bolsaq, Memlekettik syılyqtyń laýreaty Nesipbek Aıtuly aýdarǵan «Láıli-Májnún» dastanynyń, qyrǵyz jazýshysy Sultan Raevtyń «Janjaza» romanynyń, aqyn, jazýshy Ularbek Dáleıulynyń «Batý han» atty tarıhı-derekti jańa romanynyń, «Saha poezııasynyń antologııasy» kitabynyń, M.Áýezov kúndelikteriniń, «Tárbıe tanymdary» kitabynyń tusaýkeseri jáne jazýshy Aıagúl Mantaıdy eske alý keshi ótti. Sondaı-aq jármeńkede belgili qalamger Baıanǵalı Álimjanov, aqyn, jazýshy Ularbek Dáleıuly, basqa da avtorlarmen kezdesý keshine qatysyp, qoltańbasyn alýǵa, kez kelgen kitapty baspa baǵasymen satyp alýǵa múmkindik jasaldy. Kezdesý barysynda Baıanǵalı Álimjanov balalarǵa arnalǵan 100-den astam kitapty mektepter men kitaphanalarǵa tartý etti.
Oblys ákimdiginiń qoldaýymen «Folıant» baspasy jáne TÚRKSOI halyqaralyq uıymy uıymdastyrǵan kórmege, sondaı-aq «KitapHan» jobasynyń negizin qalaýshy Hamıt Erdehan qatysyp, podkast formatynda Shyńǵys Aıtmatovtyń «Qosh bol, Gúlsary» hıkaıaty talqylandy.
TÚRKISTAN
