Kitaby shyqqandardyń biri – jas prozashy Bekzat Altynbek «Kókjıek» atty jınaqtaǵy áńgimelerine qalalyqtardyń ishki álemin, kózqarasyn, dúnıetanymyn arqaý ete otyryp, búgingi kún men keleshektiń máńgilik qundylyǵyn izdeıdi. Al jas aqyn Tańsáýle Ágenqyzynyń názik lırızm men tereń sezimge toly «Bozmunar» atty óleńder jınaǵy jas býynnyń syrshyl únindeı.
Joba qoldaýymen jaryq kórgen kitap «Jas tolqyn» dep atalady. Munda qaraǵandylyq 14 aqynnyń óleńderi engen. Qaırat Imanbekov, Erbolat Qýatbek, Erbulan Maqataı, Nurdáýlet Baqytuly, Nurasyl Amanjol, Tańsáýle Ágenqyzy, Shuǵyla Úsen, Aldanysh Oljabaı, Sanjar Jumaǵalı, Hýralaı Seıit, Raıymbek Qoıshybaı, Aıtolqyn Jańabaı, Aıdana Jarkeeva, Nurǵasyr Izat esimdi jas býynnyń syrshyl lırıkalary toptastyrylǵan.
– «Jas qalamger» jobasy aıasynda birqatar jumys atqarylyp jatyr. Solardyń súbelisi – osy. Kitapqa ený, kitap shyǵarý – tarıh qoınaýyna ketetin dúnıe. Abaı «О́leń sózdiń patshasy», deıdi. Al aqyn – sonyń ıesi. Antologııaǵa 14 aqyn enipti. Shabyttary sarqylmasyn, shyǵarmashylyqtary órkendesin, – dedi Jazýshylar odaǵynyń oblystaǵy ókili, aqyn Janat Jańqashuly.
Oqyrmanǵa olja bolar taǵy bir jınaq «Sóz sheberligine bastar jol» dep atalady. Bul kitap – jas aqyndar men jazýshylarǵa arnalǵan tájirıbelik-tanymdyq qural. Jas qalamgerlerdiń shyǵarmashylyq qabiletin damytýǵa, sóz órnegin jetildirýge, kórkem oılaý men til mádenıetin qalyptastyrýǵa baǵyt-baǵdar beredi.
Osylaısha, jas aqyndar sahnaǵa kóterilip, jalyndap turyp óleńderin oqydy. Jańa kitaptiń tusaýkeser rásimine ardager jýrnalıst Álı Toıjigit, jazýshy Súıindik Janysbaı, qalamger-ustaz Álimjan Qutjan, mádenıet qaıratkeri Jarolla Aqyshev qatysyp, izinen ergen ini-qaryndastarynyń sý jańa jınaǵy oqyrmanǵa olja, rýhanı azyq bolsyn dep, batalaryn berdi.
Qaraǵandy oblysy
