foto: kazakhmys.kz
Ulttyq statıstıka bıýrosynyń derekteri boıynsha ótken jyly qaıta daıarlanǵan nemese biliktiligin arttyrǵan qyzmetkerler sany 577,9 myń adamdy qurady. Bul 2023 jylmen salystyrǵanda shamamen 2%-ǵa az.
Aımaqtyq kórsetkishterge súıensek, qaıta daıarlaý kýrstarynan ótken azamattardyń kópshiligi ónerkásip damyǵan óńirlerde turady. О́tken jyly jumys berýshi esebinen qaıta daıarlanǵan mamandardyń eń kóp sany Pavlodar oblysynda tirkeldi – 84,1 myń adam. Odan keıingi orynda Mańǵystaý (77,6 myń) jáne Qaraǵandy (64,5 myń) oblystary tur. Al eń tómengi kórsetkishter ekonomıkasy álsiz aımaqtar – Jetisý, Jambyl jáne Almaty oblystarynda baıqaldy.
Qaı salanyń basshylary óz qyzmetkerlerin jıi oqytady?
О́tken jyly qaıta daıarlaý nemese biliktilikti arttyrý kýrstarynan ótken ár bes qyzmetkerdiń úsheýi ónerkásip kásiporyndarynda jumys istegen. О́nerkásip salasyndaǵy mundaı qyzmetkerlerdiń jalpy sany 379,1 myń adamdy qurady. Olardyń jartysyna jýyǵy – 176,5 myń adam – munaı óndirýshi kompanııalarda, ken oryndary men basqa da taý-ken kásiporyndarynda jumys istegen. Al 148 myńnan astam qyzmetker qaıta daıarlaý múmkindigin óńdeý ónerkásibi kásiporyndarynda alǵan.
О́tken jyly logıstıka salasynda da biliktilikti arttyrý belsendi júrdi (60 myń adam), bul salaǵa sıfrlandyrý aıtarlyqtaı áser etti. Al medısına salasynda qyzmetkerlerdi oqytýdaǵy joǵary kórsetkishterdiń artynda memleket tur. Densaýlyq saqtaý mınıstrligi dárigerlerdiń kásibı ósýi men biliktiligin arttyrýyn qoldaıdy. О́tken jyly jumys berýshi esebinen qosymsha oqý 46,4 myń dáriger men áleýmettik qyzmetkerlerge berildi. Al qyzmet kórsetý, óner jáne jyljymaıtyn múlik salalarynda biliktiligin arttyratyn qyzmetkerler sany az bolǵan.
Basshylar mamandy qaıta daıarlaýǵa qansha qarajat jumsaıdy?
Ulttyq statıstıka bıýrosynyń derekteri boıynsha, ótken jyly kásiporyndardyń esebinen oqý oryndary kórsetken qyzmetterdiń kólemi 166,3 mlrd teńgeni qurady. Onyń tórtten biri, ıaǵnı, 46,4 mlrd teńge – joǵary oqý oryndary men joǵary oqý ornynan keıingi bilim beretin uıymdarǵa ketken.
2025 jyldyń úsh toqsanynda kásiporyndar bilim berý qyzmetteri úshin 100,6 mlrd teńge tólegen. Onyń 14,1 mlrd teńgesi tek joǵary oqý oryndary men joǵary oqý ornynan keıingi bilim beretin uıymdarǵa ketken. Qalǵanynyń basym bóligi, ıaǵnı, 55,6 mlrd teńge – ártúrli bilim berý uıymdarynda oqytýǵa jumsalǵan.
