«Jabdyqtyń biri – etılendi bólý baǵanasy (Ethylene Fractionator). Onyń salmaǵy – 1 470 tonna, bıiktigi – 101 metr. Osy kezge deıin bul baǵanany qurastyrý jumysy 78 paıyzǵa oryndaldy. Ekinshisi – sýytý baǵanasy (Quench Tower). Atalǵan jabdyqtyń salmaǵy – 700 tonna, bıiktigi – 51 metr. Daıyndyq deńgeıi 55 paıyzdy quraıdy», dep habardar etti kompanııanyń baspasóz qyzmeti.
Bul baǵanalar pırolız qondyrǵysynyń quramyna kiredi. Dál osy qondyrǵyda etan polıetılen óndirisiniń negizgi ónimi – etılenge aınalady. Qondyrǵylardy montajdaý 2026 jylǵa josparlanyp otyr.
«Atyraýdaǵy atalǵan kásiporyn sý daıyndaý júıesinde erigen gazdardy joıýǵa arnalǵan taǵy bir mańyzdy element – deaerator jabdyǵyn ázirleýge tapsyrys aldy. «AtyraýMunaıMash» JShS-men yntymaqtastyqtyń birneshe sebebi bar. Birinshiden, otandyq óndirýshiler Qazaqstandaǵy iri munaı-gaz hımııasy jobalarynyń birin iske asyrýǵa qatysady. Ekinshiden, jergilikti qamtý úlesin arttyrýǵa yqpal etedi», dep málimdedi baspasóz qyzmetinen.
