Foto: Victor Velter/Shutterstock/FOTODOM
Qaskóıler kólik turaǵynda tasymaldaýshylardy kútip turyp, mekenjaıǵa jetkende qarýmen qorqytyp, shabarmandardyń biriniń basynan balǵamen urǵan.
Shabýyldaýshylar kózdegen dúnıesin alyp, boı tasalaǵan.
Parıj polısııasynyń málimetinshe, kúdiktiler 5 býma zergerlik buıym men altyndardy urlaǵan. Shabarmandar jetkizbek bolǵan taýardyń ishinde erekshe jaqut tas ta bolǵan.
Aıta keteıik, buǵan deıin Lývr mýzeıinde buryn-sońdy bolmaǵan urlyq jasalǵan edi.
Osy jyly álemge áıgili mýzeı kitaphanasyndaǵy 400-ge jýyq qujatqa da zaqym kelgen. Ǵımaratta káriz sýy tasyp, Mysyr kóne jádigerler bólimindegi qundy dúnıeler zaqymdanǵan.
Sondaı-aq bıyl belgııalyq eki bloger Lývr kúzetshilerin aldap, Mona Lıza portretiniń janyna óz sýretterin ilip tastaǵan bolatyn.
Lývrdaǵy urlyqtan keıin Qazaqstan mýzeılerindegi qaýipsizdik deńgeıi de tekserildi.
